येळगाव जिल्हा परिषद गटातील बांधकाम कामगारांना संचाचे केले वाटप.

शिराळा तालुक्यात तीन रुग्ण कोरोना मुक्त
तालुक्यातील २६पैकी ९ रुग्ण कोरोना मुक्त
 ; पश्चिम भागासाठी दिलासादायक बातमी!

शिराळा -प्रतिनिधी, (आनंदा सुतार)
शिराळा तालुक्यातील तीन रुग्ण कोरोनामुक्त झाल्याने तालुक्यातील एकुण २६पैकी ९ रुग्ण कोरोना मुक्त झाले आहेत.त्यामुळे आज रेड,निगडी व चिंचोली या गावांना दिलासा मिळाला आहे.
निगडी येथील ३० वर्षीय पुरुष व २४ वर्षीय महिला हे पति-पत्नी १४ मे रोजी मुंबईहून आले होते.  या दोघांना निगडी गावातील ग्रामस्थांनी गावात न घेतल्याने ते जांभूळवाडी येथील संस्थातम्क अलगिकरणात राहत होते. या दोघांनाही कोरोनाची लागण झाली होती.
  त्यापैकी आज  सदर महिलेचा पती कोरोना मुक्त झाला आहे. निगडित चार कोरोना बाधित होते. त्या पैकी तीन कोरोना मुक्त झाले आहेत.
चिंचोली येथील  ४३वर्षीय युवक २२मे रोजी मुंबईहून चिंचोली येथे गृह अलगिकरण झाला होता . त्यास मंगळवारी २६ मे रोजी  त्रास जाणवू लागल्याने मिरज येथे पाठवण्यात आले बुधवारी (ता.२७) रोजी त्याचा अहवाल पॉझिटिव्ह आला होता.तो युवक आज कोरोना मुक्त झाला आहे.
मुंबईहून आलेल्या  रेड येथील पती पत्नीला ही कोरोनाची लागण झाली होती.त्यांच्या संपर्कात असलेल्या  त्यांच्या  २० वर्षीय मुलाला ही कोरोनाची लागण झाली होती. तो ही युवक आज कोरोना मुक्त झाला आहे. चार दिवसांपूर्वी त्याचे आई वडील ही कोरोना मुक्त झाले आहेत. रेड येथील कुटुंब ही कोरोना मुक्त झाल्याने तालुक्यात नऊ जण कोरोना मुक्त झाले आहेत त्यामुळे तालुक्यासह त्या गावांना ही दिलासा मिळाला आहे.