बहुजनक्रांतिवाद News Network Coop Ent. संचलित " गोंडवाना न्यूज "

  बीआरएसपी तर्फे जंतर मंतर वर धरणे आंदोलन. मुंबई : बहुजन रिपब्लिकन सोशालिस्ट पार्टी तर्फे संसदेच्या पावसाळी अधिवेशनावर मणिपूर येथील हिंसाचार आणि आदिवासी महिलांवरील अत्याचाराच्या विरोधात  दिल्ली येथील जंतर-मंतर येते धरणे आंदोलन करण्यात आले. यावेळी मणिपूरमध्ये सुरू असलेल्या गृहयुद्धसदृश्य परिस्थितीत तातडीने नियंत्रणात आणण्याची मागणी करण्यात आली. आंदोलनाचे नेतृत्व पक्षाचे संस्थापक राष्ट्रीय अध्यक्ष ॲड.डॉ. सुरेश माने यांनी केले, या आंदोलनात आसामचे लोकसभा खासदार सरनिया, सीपीआयचे केंद्रीय सचिव डॉ. भालचंद्र कांगो, आर एस पी चे राष्ट्रीय उपाध्यक्ष रमेश पाटील, दुसरे राष्ट्रीय उपाध्यक्ष हिमाचल प्रदेशचे निवृत्त डीजीपी पृथ्वीराज, राष्ट्रीय महासचिव जितेंद्र कुमार, राष्ट्रीय महामंत्री ॲड दिनेश राजभर, दिल्ली विद्यापीठातील प्रो.रतनलाल आदी उपस्थित होते, यावेळी मनिपुर मधील महिला अत्याचाराच्या घटना व चिंता व्यक्त करण्यात आली याप्रसंगी बोलताना  ॲड.डॉ. सुरेश माने यांनी मोदी सरकारच्या बहुजन समाज विरोधी धोरणावर सडकून टीका केली, ते म्हणाले की, मोदी सरकार का नव वर्षाचा कलात बहुजन समाज विरोधी धोरण ...

  विज्ञान शिक्षक  'इन्स्पायर ॲवार्ड ' कार्यशाळेमुळे नोंदणीसाठी झाले सज्ज. कराड प्रतिनिधी:- ( प्रविण पाटील) यशवंतराव चव्हाण इन्स्टिटयूट ऑफ सायंन्स कॉलेज सातारा येथे जिल्हा परिषद शिक्षण विभागाच्या वतीने आयोजित इन्स्पायर ॲवॉर्ड कार्यशाळा उत्साहात पार पडली.विद्यार्थ्यांच्या जास्तीत जास्त उपकरणांची राज्य पातळीवर निवड होण्यासाठी तसेच सन 2023-2024 नामांकने भरण्यासाठी जिल्हयातील सर्व उच्च प्राथमिक तसेच माध्यमिक शाळेतील विज्ञानप्रेमी शिक्षकांना मार्गदर्शन करण्यात आले.यावेळी शिक्षणाधिकारी(माध्यमिक) सौ प्राभावती कोळेकर यांनी मार्गदर्शन केले.तसेच उपशिक्षणाधिकारी  श्री गंबरे साहेब आणि शिक्षण विस्तार अधिकारी सौ.मायावती शिंदे यांनी  6 वी ते 10 वी मधील चांगल्या पाच संकल्पना ३१ ऑगष्ट पूर्वी ऑनलाईन वेब साईट वरून किंवा इनस्पायर मानक ॲप वरून नोंद करण्याविषयी विज्ञान शिक्षकांना आव्हान केले. जिल्हा प्रसारक श्री लक्ष्मण उबाळे श्री कोटेश्वर विद्यालय,गोवे.यांनी संकल्पना कशा असाव्यात याचे मार्गदर्शन केले.तसेच INSPIRE MANAK ॲप च्या मदतीने आपल्या मोबाईल मधून कशा पध्दतीने नामांकने भरता येतात हे ...

कालकथीत  रामचंद्र काशीनाथ ढापरे निधन. कराड -प्रतिनिधी.     भारतीय बौद्ध महासभा सातारा जिल्हा ( पश्चीम ) चे विद्यमान अध्यक्ष आद . सुदाम ढापरे यांचे बंधू कापील गावचे ज्येष्ठ नागरीक तसेच शैक्षणिक क्षेत्रात नाव लौकिक असणारे भाग शिक्षण अधिकारी म्हणून सेवा निवृत्त झालेले रामचंद्र काशीनाथ ढापरे उर्फ राम मास्तर हे बुधवार दिनांक२६/०७/२०२३ रोजी वयाच्या  ९० व्या वर्षी वर्धपकाळाने कालकथीत झाले त्यांचा रक्षा विसर्जन व जलदान विधी रविवार दि.३०/०७/२०२३ रोजी  सकाळी १०  वाजता मु.पो. कापील तालुका कराड या ठिकाणी होणार आहे . 

  सातारा सेतूमधील अपहाराची सातारा जिल्हाधिकारी यांनी घेतली गंभीर दखल. सातारा प्रांताधिकाऱ्याना दिले चौकशीचे आदेश. सातारा,(प्रतिनिधी ): सातारा तहसील कार्यालयातील सेतूमध्ये जुलै २२ ते जून २३ या वर्षाच्या कालावधीमध्ये करारानुसार ऑनलाईन ऐवजी ऑफलाइन प्रतिज्ञापत्र नोंद करून १४ लाख ७१ हजार रुपयांचा अपहार केल्याची तक्रार दाखल झाल्यानंतर याबाबत जिल्हाधिकाऱ्यांनी गंभीर दखल घेऊन चौकशीचे आदेश दिले आहेत. याबाबत माहिती अशी की, शासनाने विविध प्रकारची प्रतिज्ञापत्रे, दाखले,प्रमाणपत्र, उतारे  अशी कागदपत्रे नागरिकांना एकाच छताखाली मिळावीत यासाठी नागरी सुविधा केंद्र म्हणजेच सेतूच्या माध्यमातून एक खिडकी योजना अंमलात आणली. त्यासाठी कराराने ठेकेदार नेमण्यात येऊन त्यांचेकडे सुविधा देण्याचे काम सोपविले.परंतु सातारा तहसील कार्यालयातील सेतू विभागाच्या ठेकेदाराने तज्ञ मनुष्यबळ, सक्षम यंत्रणा नसतानाही काम घेऊन येथील सुविधा पुरविताना हलगर्जीपण केला एवढेच नव्हे तर हे काम करत असताना शासनाची फसवणूक केले असल्याचे माहिती अधिकारातून प्राप्त माहितीतून सिद्ध झाले. जुलै २०२२ ते जून २०२३ अखेर ५१ हजार ७९० इतकी प्रति...

  सौ. वैशाली पाटील यांचे पेटंट दाखल. उंडाळे - प्रतिनिधी. श्री संतकृपा शिक्षण संस्थेचे, कॉलेज ऑफ फार्मसी ( डी फार्म ) घोगाव. महाविद्यालयाच्या प्राचार्या मा. डॉ. वैशाली अमर पाटील यांनी नुकतेच फार्मसी क्षेत्रामध्ये एक पेटंट दाखल केले आहे ते पेटंट ट्रिपल टॅबलेट, पंचिंग टॅबलेट पंचचे डिझाईन आहे. ही संस्थेसाठी अभिमानास्पद गोष्ट असल्यामुळे सर्वांनी त्यांचे कौतुक केले व त्यांनी अशीच उत्तरोत्तर प्रगती करावी यासाठी त्यांना शुभेच्छा दिल्या. तसेच त्यांच्या या उज्वल यशाबद्दल संस्थेच्या अध्यक्षा  मा. डॉ. उषा जोहरी मॅडम, सचिव श्री प्रसून जोहरी सर, सर्व युनिटचे प्राचार्य, शिक्षक- शिक्षकेतर कर्मचारी व विद्यार्थी यांनी अभिनंदन केले.

  शालेय विद्यार्थी व नागरिकांमध्ये ट्रॉफिक सेन्स निर्माण होणे गरजेचे  - पोलीस अधीक्षक डॉ. बसवराज तेली.   सांगली, दि. 27, (जि. मा. का.) : रस्त्यावरील वाढत्या अपघातांची संख्या ही चिंतेची बाब आहे. रस्ता सुरक्षेबाबत शालेय विद्यार्थ्यांमध्ये व नागरिकांमध्ये ट्रॉफिक सेन्स निर्माण होणे काळाची गरज आहे. यासाठी शालेय स्तरावरच जनजागृतीचे कार्यक्रम होणे गरजेचे असल्याचे मत पोलीस अधीक्षक डॉ. बसवराज तेली यांनी व्यक्त केले.  कृष्णा मॅरेज हॉल येथे पोलीस अधीक्षक डॉ. बसवराज तेली यांच्या अध्यक्षतेखाली आरएसपी सत्र शुभारंभ बैठक संपन्न झाली. यावेळी जिल्हा समादेशक अनिल शेजाळे, माध्यमिक शिक्षणाधिकारी राजेसाहेब लोंढे,  जिल्हा वाहतूक नियंत्रण प्रमुख मुकुंद कुलकर्णी यांच्यासह आरएसपी व जिल्हा वाहतूक नियंत्रण कक्षाचे अधिकारी व कर्मचारी उपस्थित होते.  पोलीस अधीक्षक डॉ. बसवराज तेली म्हणाले, शाळांमधून विद्यार्थ्यांना आरएसपी चे धडे मिळाल्यास सुरक्षित वाहतूकीबाबत बाल वयातच संस्कार होतील. या उपक्रमासाठी पोलीस विभागामार्फत आवश्यक सहकार्य केले जाईल.  रस्ता सुरक्षेमध्ये वाहतूक सुरक्षा दलाचे...

  कॉलेज ऑफ फार्मसी (डी फार्म) घोगाव महाविद्यालयास सर्वोत्तम श्रेणी प्रधान. उंडाळे - प्रतिनिधी. महाराष्ट्र राज्य तंत्रशिक्षण मंडळ मुंबई यांच्या वतीने श्री संतकृपा शिक्षण संस्थेचे, कॉलेज ऑफ फार्मसी ( डी फार्म ) घोगाव. या महाविद्यालयास वर्ष 2022- 23 मध्ये सर्वोत्तम श्रेणी प्रदान करण्यात आली आहे अशी माहिती महाविद्यालयाच्या प्राचार्या डॉ. वैशाली पाटील यांनी दिली. या महाविद्यालयास फार्मसी कौन्सिल ऑफ इंडिया नवी दिल्ली या सर्वोच्च केंद्रीय संस्थेचे व तंत्र शिक्षण संचालनालय महाराष्ट्र राज्य व महाराष्ट्र राज्य तंत्र शिक्षण मंडळ मुंबई यांची मान्यता आहे. महाराष्ट्र राज्य तंत्र शिक्षण मंडळाच्या शैक्षणिक देखरेख समितीच्या पथकाने महाविद्यालयास भेट देऊन शैक्षणिक कामकाज, पायाभूत सुविधा, ग्रंथालय, प्रयोगशाळा, संगणक कक्ष, महाविद्यालयाचा निकाल, विद्यार्थ्यांच्या सर्वांगीण विकास होण्यासाठी घेतलेले उपक्रम, शिक्षक वर्ग  यांची पाहणी व छाननी करून महाविद्यालयात 2022- 23 या शैक्षणिक वर्षासाठी सर्वोत्तम श्रेणी प्रदान करण्यात आली आहे. या यशामध्ये संस्थेच्या अध्यक्षा मा. डॉ. उषा जोहरी मॅडम, सचिव श्री प्रसून...

  सौ. वैशाली पाटील यांचा आंतरराष्ट्रीय परिषदेकडून  गौरव. उंडाळे - प्रतिनिधी. श्री संतकृपा शिक्षण संस्थेचे, कॉलेज ऑफ फार्मसी ( डी फार्म ) घोगाव. महाविद्यालयाच्या प्राचार्या मा. डॉ. वैशाली अमर पाटील यांना एप्रिल 2023 मध्ये झालेल्या आंतरराष्ट्रीय परिषदेमध्ये अभियांत्रिकी विज्ञान आणि वैद्यकीय क्षेत्रातील सर्वोत्तम सेवा पुरस्कार देऊन गौरविण्यात आले. ही संस्थेसाठी अभिमानास्पद गोष्ट असल्यामुळे सर्वांनी त्यांचे कौतुक केले व त्यांनी अशीच उत्तरोत्तर प्रगती करावी यासाठी त्यांना शुभेच्छा दिल्या. तसेच त्यांच्या या उज्वल यशाबद्दल संस्थेच्या अध्यक्षा  मा. डॉ. उषा जोहरी मॅडम, सचिव श्री प्रसून जोहरी सर, सर्व युनिटचे प्राचार्य, शिक्षक- शिक्षकेतर कर्मचारी व विद्यार्थी यांनी अभिनंदन केले.

    सागाव ग्रामपंचायतीवर महिलांचा मोर्चा. शिराळा - प्रतिनिधी.   सागाव ग्रामपंचायतवर महिलांचा मोर्चा. सागाव मधील वा.नं.३मधील शिराळा रोडवरील पेट्रोल पंपाशेजारील गुंगामामा काँलनीमध्ये रस्ता,नाले,वीज व पाणी या सुविधा मिळाव्यात म्हणून काँलनीमधील सर्व महिलांनी सागाव ग्रामपंचायतीवर मोर्चा काढण्यात आला .त्या वेळी सर्व महिलांनी सागावच्या महिला सरपंच सौ.अस्मिता रवि पाटील यांना निवेदन दिले. या निवेदनामध्ये पावसाळ्याच्या दिवसात रस्ता चिखलमय होऊन फार मोठ्या प्रमाणात पाणी साठून रहात आहे. त्यामुळे आरोग्य व अपघात यांचा प्रश्न फार मोठ्या प्रमाणात निर्माण झाला आहे.  काँलनीमधील २०आर सी सी घराची घरपट्टी च्या स्वरूपात कर भरला जातो तर ग्रामपंचायती कडून रस्ता, नाला,वीज,पाणी या सुविधा मिळणे हा तेथील  रहिवाशांचा हक्क आहे. याची मागणी केली ग्रामपंचायतीने दखल घेतली नाही तर या महिला तहसीलदार, बीडीओ,कलेक्टर यांना देखील निवेदन देणार इशारा दिलाय. निवेदन सादर करताना श्रीमती विनोदिनी मोहिते, श्रीमती विजया पाटील, सौ.अनिता पाटील,सौ.धनश्री पाटील.,सौ.सखुबाई पाटील, व महिला मोठ्या संख्येने उपस्थित होत...

राज्याची शैक्षणिक स्थिती बदलण्यासाठी सर्व घटकांनी एकत्र येणे आवश्यक – पवार. मुंबई: शिक्षण क्षेत्रातील विविध घटक, अभ्यासक यांचे अनुभव ऐकल्यावर, त्यांनी मांडलेले प्रश्न पाहता राज्याची शैक्षणिक स्थिती ही चिंताजनक नाही तर भयावह आहे. ती बदलण्यासाठी सर्व घटकांनी मिळून एक आराखडा तयार करून तो शासनासमोर मांडायला हवा, असे मत राष्ट्रवादी काँग्रेसचे अध्यक्ष शरद पवार यांनी शनिवारी व्यक्त केले. केंद्रीय शिक्षण विभागाने नुकत्याच जाहीर केलेल्या शैक्षणिक कामगिरी श्रेणी निर्देशांकानुसार (पीजीआय) राज्याची शैक्षणिक कामगिरी खालावल्याचे दिसते आहे. त्याबाबत यशवंतराव चव्हाण सेंटरच्या शिक्षण विभागाच्यावतीने अभ्यासक, स्वयंसेवी संस्थांचे प्रतिनिधी, शिक्षण क्षेत्रातील विविध घटकांचे प्रतिनिधी यांची बैठक घेण्यात आली. तेथे पवार यांनी उपस्थितांशी संवाद साधला. यावेळी खासदार सुप्रिया सुळे उपस्थित होत्या. शैक्षणिक स्थिती ही संख्यात्मक पातळीवर पाहिली जाते. मात्र शैक्षणिक स्थितीचा लेखाजोखा गुणात्मक पातळीवर मांडणे आवश्यक आहे. शैक्षणिक निर्णय हे कायद्यांना अनुसरूनच घेण्यात यावेत. स्वयंसेवी संस्थांचा अवाजवी हस्तक्षेप टाळावा....

एकाच कुटुंबातील चार जणांचा राहत्या घरात मृत्यू. गोंडवाना न्यूज ब्युरो रिपोर्ट - पाटण तालुक्यातील सणबूर येथे गुरुवारी रात्री एकाच कुटुंबातील चारजणांचा राहत्या घरात मृत्यू झाल्याचे उघडकीस आल्याने तालुका हादरला आहे. या एकाच कुटुंबातील व्यक्तींच्या मृत्यूमुळे ही आत्महत्या आहे की अन्य कारण, याबाबत तर्क-वितर्क लढविले जात असून, तपासाअंती त्यांच्या मृत्यूचे कारण स्पष्ट होईल. आनंदा पांडुरंग जाधव (वय 75), पत्नी सुनंदा आनंदा जाधव (वय 65), मुलगा संतोष आनंदा जाधव (वय 45) व विवाहित मुलगी पुष्पलता प्रकाश धस (रा. मंद्रुळकोळे, ता. पाटण) अशी मृतांची नावे आहेत. घटनास्थळाकरून मिळालेल्या माहितीनुसार, सणबूर येथील सेवानिवृत्त शिक्षक आनंदा जाधव हे गेल्या काही दिवसांपासून आजारी होते. गुरुवारी त्यांना कराडच्या कृष्णा रुग्णालयात उपचारार्थ हलविण्यात आले होते. मात्र, सायंकाळी त्यांना तेथून घरी सोडण्यात आले. त्यामुळे त्यांना सणबूर येथे घरी आणले होते. त्या ठिकाणी त्यांना ऑक्सिजनची सुविधा पुरविली होती; पण त्यासाठी वीज नसल्यामुळे जनरेटरची व्यवस्था केली होती. रात्री घरी आजारी असलेल्या आनंदा जाधव यांच्यासोबत पत्नी सुन...

  रायगड  जिल्ह्यातील खालापूरजवळील इर्शाळवाडी येथे  दरड कोसळली. अनेक जण ढिगाऱ्याखाली अडकल्याची भिंती. गोंडवाना न्यूज ब्युरो रिपोर्ट- रायगड  जिल्ह्यातील खालापूरजवळील इर्शाळवाडी गावावर दु:खाचा डोंगर कोसळला . बुधवारी (19 जुलै) रात्री साडेदहा ते अकरा वाजण्याच्या सुमारास इर्शाळगडावर  दरड कोसळली आणि पायथ्याशी असलेलं इर्शाळवाडी  गाव उद्ध्वस्त झालं. या गावात 45 ते 50 घरांची वस्ती आहे, यातील 30 ते 40 घरातील लोक मातीच्या ढिगाऱ्याखाली अडकल्याची माहिती मिळात  आहे.  इर्शाळगड हा रायगडमधील प्रसिद्ध ट्रेकिंग पॉईंट आहे. खालापूरजवळून मोरबे डॅम मार्गे गावाकडे जाण्याचा रस्ता आहे. पावसाळ्यामुळे शनिवार आणि रविवारी ट्रेकर्सची पाऊलं इर्शाळगडाकडे वळतात. वीकेंडला गडावर मोठ्या प्रमाणात पर्यटक येत असतात. मात्र ऐन बुधवारी रात्री दरड कोसळल्याची घटना घडल्याने यात कोणताही पर्यटक किंवा ट्रेकर अडकलेला नाही. मात्र पायथ्याशी असलेलं इर्शाळवाडी गाव उद्ध्वस्त झालं. मुख्यमंत्र्यांनी दिलेल्या माहितीनुसार, इर्शाळवाडी हे गाव दरडग्रस्त यादीत येत नव्हतं, तरी देखील दुर्दैवाने पावसामुळे य...

  मदत व बचाव कार्यासाठी एन.डी.आर.एफ.चे पथक दाखल.   सांगली, दि. 18, (जि. मा. का.) : सांगली जिल्ह्यात पावसाळ्यात अतिवृष्टीमुळे होणारे संभाव्य नुकसान टाळण्यासाठी व मदत कार्य राबविण्यासाठी राष्ट्रीय आपत्ती प्रतिसाद दलाचे (एन.डी. आर.एफ) एक पथक सांगली जिल्ह्यात दाखल झाले आहे. अशी माहिती प्रभारी निवासी उपजिल्हाधिकारी तथा मुख्य कार्यकारी अधिकारी जिल्हा आपत्ती व्यवस्थापन प्राधिकरण दिपक शिंदे यांनी दिली.   एन.डी. आर.एफ. च्या पथकामध्ये पथक प्रमुख राजेश येवले व मोहित शर्मा असे दोन अधिकारी व इतर 20 जवान आहेत. या पथकाकडे बोट, लाईफ जॅकेट, लाईफ रिंग, रोप, इमारत कोसळल्यानंतर शोध व सुटका कामी आवश्यक साहित्य सामग्री उपलब्ध आहे. सन 2019 सन 2021 मधील जुलै महिन्याच्या शेवटी पडणारा पाऊस व हवामान खात्याकडील अंदाज पाहता त्यानुसार राज्य शासनाकडून एन.डी.आर.एफ. पथकाची नियुक्ती करण्यात आली आहे. हे पथक दि. 31 ऑगस्ट 2023 पर्यंत सांगली जिल्ह्यात कार्यरत राहणार आहे.  या पथकामार्फत जिल्ह्यामधील संभाव्य पूर प्रवण भागातील क्षेत्र, शहरी भागातील धोकादायक इमारती, दरडग्रस्त गावाची पाहणी, धोकादायक औद्योगिक ...

बौद्धाचार्य, दिवंगत, रवींद्र आनंदा सावंत यांचे निधन. कासेगाव - प्रतिनिधी.  भारतीय बौध्द महासभेचे जेष्ठ बौद्धाचार्य, दिवंगत, रवींद्र आनंदा सावंत(आण्णा )रा. कुंडल(साठेनगर )तालुका - पलूस यांचे 17/07/2023 रोजी सायंकाळी 6:00 वा. अल्पशा आजाराने राहत्या घरी दुःखद निधन झाले. त्यांचा अंत्य संस्कार विधी  18/07/2023 रोजी  सकाळी 7.30  वाजता कुंडल स्मशान भूमी मध्ये करण्यात येणार आहे. तरी सर्व नागरीक, बौध्द बांधवाना विनंती अत्यं दर्शनासाठी उपस्थित रहावे.

  कोडोली हायस्कूलमध्ये गायत्री रायते हिचा सत्कार. कार्वे प्रतिनिधी :- कोडोली ता. कराड येथील भारतीय विद्यापीठचे हौसाबाई विठ्ठलराव पाटील प्रशालेची माजी विद्यार्थिनी कु. गायत्री ज्ञानदेव रायते हिची महाराष्ट्र लोकसेवा आयोगातर्फे घेण्यात आलेल्या मंत्रालय लिपिक या पदावर निवड झाल्याबद्दल तिच्या शाळेमध्ये सत्कार समारंभ कार्यक्रमाचे आयोजन करण्यात आले होते. यावेळी कुमारी गायत्री ज्ञानदेव रायते हिचा सत्कार सरपंच सौ. मीनाक्षी जगताप यांच्या हस्ते करण्यात आला. या कार्यक्रम प्रसंगी कु. गायत्री रायते हिने इयत्ता आठवी ते दहावीतील विद्यार्थ्यांना मार्गदर्शन केले. तसेच मनोगत व्यक्त करताना म्हणाल्या, शालेय जीवनात तुमच्या मित्र मैत्रिणी तुम्हाला प्रेरणा देऊ शकतात. कोणतेही यश संपादन करण्यासाठी ध्येय निश्चित करावे .आणि त्या ध्येयापर्यंत पोहोचण्यासाठी प्रेरित व्हावे लागते . तरच यश मिळू शकते . त्यासाठी विद्यार्थ्यांनी खुप अभ्यास करा ध्येय निश्चित करा तुम्ही परीक्षेत उत्तम यश संपादन करू शकता. या कार्यक्रमाची प्रास्ताविक प्रशालेचे शिक्षक श्री. मोरे आय.जे. यांनी केले. तसेच सूत्रसंचालन सौ.संदे एस. ए. यांनी केल...

  संजय पाटील यांची महाराष्ट्र राज्य शिक्षक परिषद सांगली जिल्हा अध्यक्षपदी निवड.   शिराळा - प्रतिनिधी. मा. संजय पाटील, शिव केदार विद्यालय कांदे ता. शिराळा जि.सांगली यांची महाराष्ट्र राज्य शिक्षक परिषद सांगली जिल्हा अध्यक्षपदी निवड झाल्याबद्दल त्यांचा सत्कार करण्यात आला. यावेळी मा. श्री.भगवानराव साळुंखे.माजी शिक्षक आमदार, मा. श्री.राजेंद्र सूर्यवंशी. कोषाध्यक्ष महाराष्ट्र राज्य शिक्षक परिषद, मा. श्री. बाळासाहेब चोपडे कार्यवाह महाराष्ट्र राज्य शिक्षक परिषद पुणे विभाग, मा. श्री. भास्कर कुंभार, मा. श्री. अर्जुन सावंत , मा. श्री. रमेश कोष्टी , मा. श्री ए.टी.पाटील ,कोषाध्यक्ष, मा. श्री.प्रमोद मोरे , मा. अरविंद सदावर्ते , तसेच शिक्षक परिषदचे तालुका, जिल्हा, विभाग, राज्य पदाधिकारी यावेळी उपस्थित होते.

  कृषि निविष्ठा विक्रेत्यांसाठी पदविका अभ्यासक्रमाचे आयोजन. सातारा दि. 14 (जिमाका) : कृषि निविष्ठा विक्रेत्यांकरिता कृषि पदविका (Diploma in Agricultural Extension Services for Input Dealers DAESI) अभ्यासक्रम राबविण्यात येत आहे. हा अभ्यासक्रम राबवून भविष्यामध्ये अशा प्रशिक्षित विक्रेत्यांकडून पॅरा एक्स्टेंशन वर्कर म्हणून त्यांच्या मार्फत इतर शेतकऱ्यांना मार्गदर्शन होण्यास मदत होणार आहे. याअनुषंगाने भारत सरकारच्या वतीने राष्ट्रीय कृषि विस्तार प्रबंधन संस्था, मॅनेज हैद्राबाद यांचे मार्फत कृषि निविष्ठा परवानाधारक यांचे करिता एक वर्षीय पदवीका अभ्यासक्रम सुरु केले आहे. ज्या कृषि निविष्ठा परवानाधारक विक्रेत्यांचे कृषिविषयी आवश्यक शिक्षण झाले नसेल अशा विक्रेत्यांसाठी सदरचा अभ्यासक्रम अनिवार्य आहे. त्यामुळे सदरचा पदविका अभ्यासक्रम पूर्ण न केल्यास संबंधित विक्रेत्यांचा कृषि निविष्ठा परवाना रद्द होणार आहे. त्यामुळे जिल्हयातील संबंधित निविष्ठा विक्रेत्यांस भविष्यात निविष्ठा पुरवठा करण्यास अडचणी येण्याची शक्यता नाकारता येत नाही. हा अभ्यासक्रम 48 आठवड्याचा असून यात 40 आठवडे वर्गातील सत्र व 8 क्ष...

  राज्य मंत्रिमंडळाचे फेरबदलासह खातेवाटप जाहीर. मुंबई, दि. १४:  राज्य मंत्रिमंडळातील नवनियुक्त मंत्र्यांच्या खातेवाटपाबरोबरच सध्याच्या मंत्र्यांच्या खात्यांमध्ये देखील काही फेरबदल करून मुख्यमंत्री एकनाथ शिंदे यांनी आज खातेवाटप जाहीर केले आहे. राज्यपाल रमेश बैस यांनी मंजुरी दिल्यानंतर हे खातेवाटप जाहीर करण्यात आले आहे. मुख्यमंत्री शिंदे यांच्याकडे सामान्य प्रशासन, नगर विकास, माहिती तंत्रज्ञान, माहिती व जनसंपर्क, परिवहन, सामाजिक न्याय, पर्यावरण व वातावरणीय बदल, खनिकर्म आणि इतर कोणत्याही मंत्र्यांना वाटप न केलेले  विभाग . उपमुख्यमंत्री देवेंद्र फडणवीस यांच्याकडे गृह, विधी व न्याय, जलसंपदा व लाभक्षेत्र विकास, ऊर्जा, राजशिष्टाचार ही खाती असतील. उपमुख्यमंत्री अजित पवार यांच्याकडे वित्त व नियोजन हे खाते राहील. इतर २६ मंत्र्यांची खाती पुढीलप्रमाणे:  छगन भुजबळ – अन्न व नागरी पुरवठा व ग्राहक संरक्षण. दिलीपराव दत्तात्रय वळसे-पाटील –सहकार.   राधाकृष्ण विखे-पाटील – महसूल, पशुसंवर्धन आणि दुग्ध व्यवसाय विकास. सुधीर सच्चिदानंद मुनगंटीवार – वने, सांस्कृतिक कार्य, व मत्स्य व...

  मलकापूर नगर परिषदेचे लाचखोर नगरअभियंत्यासह साथीदारास दोन दिवसाची पोलीस कोठडी . कराड - प्रतिनिधी. मलकापूर नगरपरिषदेचे नगरअभियंता नगरअभियंता शशिकांत सुधाकर पवार (रा. कोयना वसाहत, मूळ रा. मंद्रुळकोळे) याच्यासह खासगी इसम सुदीप एटांबे यांना 30 हजार रूपयांची लाच स्वीकारताना सोमवारी मलकापूर नगरपरिषद परिसरात ताब्यात घेतले होते. त्यांनी कराडातील रस्त्याच्या कामाच्या बिलाची उर्वरीत रक्कम देण्यासाठी लाच मागितल्याचे स्पष्ट झाल्यावर हा सापळा लाचलुचत प्रतिबंधक विभागाने रचला होता. मंगळवारी या दोन्ही संशयितांना अतिरिक्त जिल्हा व सत्र न्यायालयात हजर केले असता त्यांना दोन दिवसांची पोलीस कोठडी सुनावण्यात आल्याची माहिती लाचलुचपत प्रतिबंधक विभागाच्या वतीने देण्यात आली.   नगरअभियंता पवार याच्याकडे कराड नगरपरिषदेचा नगरअभियंता म्हणून तात्पुरता कार्यभार आहे. दरम्यान कराडच्या वाखाण भागातील सुनील पवार घर ते कलबुर्गी घर या रस्त्याच्या कामाचे बिलाची उर्वरित बिल मंजुरीसाठी नगरअभियंता शशिकांत पवारने तडजोडीअंती 30 हजार रूपये मागणी करून खासगी इसम सुदीप दीपक एटांबे (रा. माऊली कॉलनी, मलकापूर) याच्याकडे द...

 ‘कृष्णा’चे शेतकरी ज्ञानयाग प्रशिक्षणासाठी रवाना. शिवनगर, ता. १० : यशवंतराव मोहिते कृष्णा सहकारी साखर कारखान्याच्यावतीने ३२ शेतकरी वसंतदादा शुगर इन्स्टिट्युट पुणे यांच्यावतीने आयोजित केलेल्या ऊस शेती ज्ञानयाग प्रशिक्षणामध्ये सहभागी होण्यासाठी रवाना झाले आहेत. कारखान्याचे व्हाईस चेअरमन जगदीश जगताप यांनी शिबीरात सहभागी होणाऱ्या शेतकऱ्यांना शुभेच्छा दिल्या. शेतीच्या आधुनिक तंत्रज्ञानाचा वापर करून ऊसाचे प्रतिएकरी उत्पादनवाढीसाठी शेतकर्‍यांना वसंतदादा शुगर इन्स्टिट्युटतर्फे दरवर्षी प्रशिक्षण दिले जाते. कारखान्याचे चेअरमन डॉ. सुरेश भोसले यांच्या मार्गदर्शनाखालील संचालक मंडळाने कार्यक्षेत्रातील ३२ शेतकर्‍यांना या शिबीरात सहभागी होण्याची संधी उपलब्ध करून दिली आहे.  यावेळी संचालक बाजीराव निकम,  जनरल मॅनेजर टेक्निकल बालाजी पबसेटवार, ऊसविकास अधिकारी पंकज पाटील, कार्यालयीन अधीक्षक निलेश देशमुख, वाहतूक अधिकारी गजानन प्रभुणे, संरक्षण अधिकारी संजय नलवडे आदी उपस्थित होते.  चार दिवसीय प्रशिक्षण शिबीरात सांगली, सातारा, मराठवाडा व खानदेशमधील हजारो शेतकरी सहभागी होत असतात. शिबीरात माती ...

  सह्याद्रि कारखान्यावरून इथेनॉलचा पहिला टँकर विक्रीसाठी रवाना. मसूर प्रतिनिधी- सह्याद्रि सहकारी साखर कारखान्याच्या नवीन अत्याधुनिक इथेनॉल प्रकल्पातून उत्पादित झालेल्या इथेनॉलचा पहिला टँकर, कारखान्याचे संचालक मा.जशराज पाटील (बाबा) यांच्या शुभहस्ते विधिवत पूजा करून शासनाच्या इंडियन ऑईल कॅर्पोरेशन लि.या कंपनीच्या गोवा येथील डेपोकडे पाठवण्यात आला. सह्याद्रि कारखान्याचे चेअरमन, राज्‍याचे माजी सहकार व पणन मंत्री माननीय आमदार बाळासाहेब पाटील यांच्या अध्यक्षतेखाली सह्याद्रि सहकारी साखर कारखान्याने प्रतिदिन एक लाख लिटर्स उत्‍पादन क्षमतेचा नवीन अत्‍याधुनिक इथेनॉल प्रकल्प उभारला असून, मागील हंगामाच्या अखेरीस या नवीन प्रकल्‍पातून इथेनॉल उत्‍पादन घेण्यात आले असून, इथेनॉलने भरलेला पहिला टँकर कारखान्याचे संचालक मा.जशराज पाटील (बाबा) यांच्या शुभहस्ते विधिवत पूजा करून कंपनीच्या गोवा येथील डेपोकडे पाठविण्यात आला आहे.   याप्रसंगी कारखान्याचे कार्यकारी संचालक आबासाहेब पाटील, जनरल मॅनेजर पी.आर.यादव, डिस्टलरी इन्चार्ज अनिल पाटील, शेती अधिकारी व्ही.बी.चव्हाण, स्टोअर सुपरीटेंडंट डि. एन.पिसाळ, ड...

   लोकराजा राजर्षी शाहू महाराज यांची १४९ वी जयंती उत्साहात साजरी. बहुजन रिपब्लिकन सोशालिस्ट पार्टीचे राष्ट्रीय अध्यक्ष डॉ. सुरेश माने यांची प्रमुख उपस्थिती.   मुंबई: प्रतिनिधी. बहुजन रिपब्लिकन सोशालिस्ट पार्टी च्या वतीने चेंबूर येथे लोकराजा राजर्षी शाहू महाराज यांची १४९ वी जयंती उत्साहात साजरी. यावेळी   डाॅ.सुरेश माने यांची प्रमुख उपस्थिती होती . यावेळी डॉ.सुरेश माने यांनी छत्रपती शाहू महाराज यांनी देवू केलेल्या आरक्षणासंदर्भात असलेली विकासाची भूमिका स्पष्ट केली. आज मराठा समाज हा त्यांच्या मुलभूत आर्थिक विकासासाठी आरक्षण मागत असले तरी स्वातंत्र्यापूर्वी स्वतंत्र म्युनिसिपलमथ्ये राखीव मतदारसंघ होते, त्यामधून मराठा स्वतंत्र मतदारसंघातून विठ्ठल रामजी शिंदे हे निवडून गेले होते, मुस्लीम मतदारसंघातून बॅरिस्टर जीना तर मागासवर्गीय मतदारसंघातून डी.डी.घोलप निवडून गेले होते, अशी माहिती बहुजन रिपब्लिकन सोशालिस्ट पार्टीचे अध्यक्ष डाॅ.सुरेश माने यांनी येथे बोलताना दिली.        बहुजन रिपब्लिकन सोशालिस्ट पार्टी च्या वतीने चेंबूर येथील पी.एल.लोखंडे मार्गावर मातोश्...

  जिल्हा नियोजन मधील कामे मुदतीत आणि दर्जेदार करा.                   - पालकमंत्री शंभूराज देसाई.   सातारा दि. 7 : जिल्ह्यातील विविध विकास कामांसाठी जिल्हा वार्षिक योजनेचा आराखडा करण्यात आला असून यामधील कामे विहित मुदतीत गुणवत्तापुर्ण आणि दर्जेदार करा असे निर्देश पालकमंत्री शंभूराज देसाई यांनी दिले.  पाटण विधानसभा मतदार संघातील विविध विकास कामांची आढावा बैठक जिल्हाधिकारी कार्यालयातील नियोजन भवनात झाली, यावेळी ते बोलत होते. यावेळी जिल्हाधिकारी जितेंद्र डूडी, मुख्य कार्यकारी अधिकारी ज्ञानेश्वर खिलारी, पोलीस अधीक्षक समीर शेख, उपवनसंरक्षक अदिती भारद्वाज, निवासी उपजिल्हाधिकारी प्रशांत आवटे, जिल्हा नियोजन अधिकारी शशिकांत माळी  यांच्यासह विविध विभागांचे अधिकारी उपस्थित होते. पाटण विधानसभा मतदारसंघातील विद्युत विभागाकडील सामान्य विकास व पध्दती सुधारण्यासाठीची कामे, सार्वजनिक बांधकामकडील कामे, ग्रामपंचायत, ग्रामीण रस्ते विकास, मुख्यमंत्री ग्रामसडक योजना, अंगणवाडी व शाळा दुरुस्ती, जलजीवन मिशन, कोयना पुर्नवसन आदी विषयांतील कामांच्या स...

  कोडोली हायस्कूल मध्ये गुरुपौर्णिमा उत्साहात साजरी. कार्वे प्रतिनिधी:- भारती विद्यापीठ च्या हौसाबाई विठ्ठलराव पाटील प्रशाला कोडोली येथील शाळेमध्ये गुरुपौर्णिमा मोठ्या उत्साहात साजरी करण्यात आली. या कार्यक्रमाची सुरुवात व्यास ऋषींचा प्रतिमेचे पूजन करून करण्यात आली. कार्यक्रमाचे सूत्रसंचालन दहावीतील विद्यार्थिनी कु.अस्मिता पाटील व कु. प्राची पाटील यांनी केले. या कार्यक्रम प्रसंगी सर्व शिक्षक गुरुवर्य यांचे श्रीफळ व फुल देऊन स्वागत करण्यात आले.इयत्ता आठवी ते इयत्ता दहावीतील विद्यार्थ्यांनी गुरुपौर्णिमे विषयी भाषणे केली. या कार्यक्रमाचे अध्यक्ष शिक्षक मोरे आय.जे. होते.या कार्यक्रमाची प्रस्तावना सौ. जाधव व्ही.ए. यांनी केली. तसेच मनोगत श्री.आंबी एस.ए. व श्री.पाटील पी.एस. यांनी व्यक्त केले. या कार्यक्रमाचे आभार सौ.संदे एस. ए. यांनी व्यक्त केले. या कार्यक्रमास शाळेतील शिक्षक शिक्षकेतर कर्मचारी विद्यार्थी विद्यार्थिनी मोठ्या संख्येने उपस्थित होते.