बहुजनक्रांतिवाद News Network Coop Ent. संचलित " गोंडवाना न्यूज "

  मा.जयंत पाटील  यांच्या हस्ते विकास कामांचे  उद्घाटन समारंभ संपन्न.    कासेगाव - प्रतिनिधी. कासेगांव ग्रामपंचायत कासेगांव अंतर्गत नागरी सुविधा 15 वा वित्तआयोग व ग्रामनीधीतुन मुख्य रस्ता डांबरीकरण करणे या कामाचे उदघाटन राष्ट्रवादी काँग्रेस पक्षाचे प्रदेशाध्यक्ष मा.जयंत पाटील  यांच्या हस्ते संपन्न झाले. यावेळी माजी मंत्री मा. शिवाजीराव नाईक , मा.आ.मानसिंगराव नाईक , मा.देवराज पाटील , मा.उदयसिंह पाटील , लोकनियुक्त सरपंच सौ.कल्पना गावडे, उपसरपंच मा.सुजित पाटील , ग्रामविकास अधिकारी मा.राहुल सातपुते सर्व ग्रामपंचायत सदस्य, इतर मान्यवर, संस्थांचे पदाधिकारी, ग्रामस्थ उपस्थित होते.

  धर्मगिरी प्रतिमा विराजमान महोत्सवास विराज नाईक यांची भेट. कासेगाव - प्रतिनिधी. बांबवडे (ता. शिराळा) येथील 1008 धर्मनाथ दिगंबर जैन तीर्थक्षेत्र धर्मगिरी येथे सुरू असलेल्या धर्मगिरी प्रतिमा विराजमान महोत्सवास विश्वासचे संचालक विराज नाईक यांनी भेट दिली. धर्मगरी डोंगरावर असलेल्या तिर्थस्थानाच्या ठिकाणी प्रथम तीर्थंकर श्री 1008 आदिनाथ भगवान, प्रथम कामदेव भगवान बाहुबली, प्रथम चक्रवर्ती भरत भगवान स्वामी यांची प्रतिमा विराजमान करण्यात येणार आहे. यावेळी विश्वास पाटील, माणिक शेटे, शितल शेटे, संजय पाटील, वाटेगावचे माजी सरपंच राजू बेर्डे, अनिल व सतीश पाटील, राजू पाटील, चंद्रकांत शेटे, सचिन बर्डे, चंद्रकांत पाटील आदी मान्यवर व ग्रामस्थ उपस्थित होते.

  जिल्ह्यात उद्योग उभारणी बरोबर दुष्काळी भागाला पाणी मिळण्यासाठी प्रकल्पांच्या कामांना  गती दिली जाईल                -उपमुख्यमंत्री देवेंद्र फडणवीस.   कराड-प्रतिनिधी. सातारा जिल्ह्यातील ज्या प्रकल्पांमुळे दुष्काळी भागांना पाणी मिळणार आहे, अशा प्रकल्पांना प्रशासकीय मान्यता देऊन निधी उपलब्ध करून दिला जाईल. तसेच म्हसवड-धुळदेव ता.माण औद्योगिक वसाहतीच्या कामाला गती देण्यात येईल, असे उपमुख्यमंत्री देवेंद्र फडणवीस यांनी सांगितले.             कराड येथील कृष्णा सहकारी बँकेच्या सभागृहात सातारा जिल्ह्यातील औद्योगिक वसाहत व जलसंपदा विभागाच्या प्रकल्पांचा आढावा उपमुख्यमंत्री श्री. फडणवीस यांनी घेतला. त्यावेळी ते बोलत होते. यावेळी खासदार श्रीमंत छत्रपती उदयनराजे भोसले, खासदार रणजिसिंह नाईक निंबाळकर, आमदार सर्वश्री प्रवीण दरेकर, श्रीमंत छत्रपती शिवेंद्रसिंहराजे भोसले, जयकुमार गोरे, डॉ. अतुल भोसले, जिल्हाधिकारी जितेंद्र डूडी, मुख्य कार्यकारी अधिकारी ज्ञानेश्वर खिलारी, पोलीस अधीक्षक समीर शेख, जलसंपदा विभागाचे अधीक्षक अभ...

    उपमुख्यमंत्री देवेंद्र फडणवीस यांच्या उपस्थितीत कराडमध्ये गुरुवारी भव्य लाभार्थी संमेलन.   बुधवारी कराड मुक्कामी येणार; भाजपा कोअर कमिटीच्या बैठकीचे आयोजन. कराड, ता. २० : भारताचे लाडके पंतप्रधान नरेंद्र मोदी यांच्या नेतृत्वाखालील केंद्रातील सरकारला ९ वर्षे पूर्ण झाल्याच्या निमित्ताने भारतीय जनता पार्टीच्यावतीने देशभर महाजनसंपर्क अभियान राबविले जात आहे. या अभियानाअंतर्गत महाराष्ट्राचे उपमुख्यमंत्री ना. देवेंद्र फडणवीस कराडच्या दौऱ्यावर येत आहेत. त्यांच्या प्रमुख उपस्थितीत गुरुवारी (ता. २२) सकाळी ११ वाजता कराड येथे भव्य लाभार्थी संमेलन व जाहीर सभेचे आयोजन करण्यात आले आहे. भारतीय जनता पार्टीच्यावतीने महाजनसंपर्क अभियानाअंतर्गत देशभर मोदी सरकारच्या विविध योजनांची माहिती जनतेपर्यंत पोहचविली जात आहे. या अभियानाअंतर्गत महाराष्ट्राचे उपमुख्यमंत्री ना. देवेंद्र फडणवीस बुधवारी (ता. २१) रात्री कराड येथे मुक्कामी येणार आहेत. दुसऱ्या दिवशी म्हणजेच गुरुवारी (ता. २२) सकाळी १० वाजता कराड येथील शासकीय विश्रामगृहात भाजपाच्या जिल्हा कोअर कमिटीची बैठक ना. फडणवीस यांच्या प्रमुख उपस्थितीत ...

  नांदलापुर  येथील जि. प. प्राथ. शाळेत प्रवेशोत्सव विविध उपक्रमांनी उत्साहात संपन्न.   रेठरे बुद्रुक वार्ताहर --.                                                        नांदलापुर ता.कराड येथील जिल्हा परिषद प्राथमिक शाळेत  शाळेचा पहिला दिवस म्हणजेच शाळा प्रवेशोत्सव विविध उपक्रमांनी उत्साहात संपन्न झाला.कार्यक्रमाच्या अध्यक्षस्थानी शाळा व्यवस्थापन समितीचे अध्यक्ष रमेश शिर्के होते.     यावेळी प्रामुख्याने शाळेच्या मुख्याध्यापिका शोभा पाटील होत्या.तसेच कार्यक्रमास  शाळा व्यवस्थापन समितीचे उपाध्यक्ष चंद्रकांत शिर्के,उपशिक्षिका श्रीमती नयन पाटील,सौ राजश्री रवलेकर,प्रज्ञा अलकुंटे,मीनाक्षी वाघमोडे,पदवीधर शिक्षक नारायण सातपुते,तसेच ग्रामस्थ,विद्यार्थी बहुसंख्येने उपस्थित होते.       यावेळी मुलानी घोषणाबाजी करत ढोल ताशांच्या गजरात गावातून प्रभात फेरी काढली ,तदनंतर शाळेच्या मैदानावर इयत्ता पहिली च्या विद्यार्थ्...

  दिव्यांग व्यक्तींना स्वयंरोजगारासाठी अर्थसहाय्य योजना. सातारा, दि. 15  – बेरोजगार 18 ते 50 वयोगटातील दिव्यांग व्यक्तींना स्वतःचा व्यवसाय सुरु करण्यासाठी राष्ट्रीयकृत बँकेमार्फत कर्ज उपलब्ध करून देण्याची योजना राबवण्यात येते.             या योजनेंतर्गत दिव्यांग व्यक्तींना 1 लाख 50 हजार रुपयांपर्यंत कर्ज प्रकल्पास मंजुरीसाठी राष्ट्रीयकृत बँकेकडे शिफारस करण्यात येते. बँकेने मंजूर केलेल्या कर्ज प्रकल्पाच्या 20 टक्के सबसिडी समाज कल्याण विभाग, जिल्हा परिषद, सातारा यांच्यामार्फत मंजूर करून एकत्रित रक्कम बँकेमार्फत कर्ज स्वरुपात उपलब्ध करून दिली जाते.             या योजनेचा लाभ घेण्यासाठी दिव्यांगत्वाचा दाखला (युडीआयडी), उत्पन्नाचा दाखला, बेरोजगार दाखला, दोन पासपोर्ट आकाराचे फोटो, रेशनकार्ड, जागेचे संमतीपत्र, व्यवसाय कोटेशन, रहिवासी दाखला, जागेचा उतारा, प्रकल्प अहवाल, शॉप ॲक्ट लायसन्स व शाळा सोडल्याचा दाखला इत्यादी कागदपत्रांसह दोन प्रतीत प्रस्ताव सादर करावा. तरी जिल्ह्यातील जास्तीत जास्त पात्र लाभार्थ्यांनी या योजनेचा लाभ ...

  पालकमंत्री शंभूराज देसाई यांनी घेतला संतश्रेष्ठ श्री ज्ञानेश्वर महाराज पालखी सोहळ्याचा आढावा.   सातारा-दि.15- संतश्रेष्ठ श्री ज्ञानेश्वर महाराज पालखी सोहळा सातारा जिल्ह्यातून 18 जून ते 23 जून या कालावधीत मार्गक्रम करणार आहे. या अनुषंगाने पालकमंत्री शंभूराज देसाई यांनी घेतला तयारीचा आढावा. लोणंद ता. खंडाळा येथील शासकीय विश्रामगृहात झालेल्या बैठकीस जिल्हाधिकारी जितेंद्र डूडी, मुख्य कार्यकारी अधिकारी ज्ञानेश्वर खिलारी, पोलीस अधीक्षक समीर शेख, वाईचे प्रांत अधिकारी राजेंद्र जाधव, उपजिल्हाधिकारी शिवाजीराव जगताप यांच्यासह विविध विभागांचे अधिकारी उपस्थित होते. उन्हाची तीव्रता लक्षात घेऊन पिण्याच्या पाण्याचे टँकरची संख्या वाढवावी अशा सूचना करून पालकमंत्री श्री. देसाई म्हणाले, ज्या ठिकाणावरून पाणी टँकर मध्ये भरले जाणार आहे त्याची पाहणी करावी. आरोग्य विभागाने जास्तीत जास्त पदके हे फिरते ठेवावे म्हणजे तात्काळ कोणत्याही वारकऱ्यांला आरोग्य सुविधा पुरवता येतील. पालखी सोहळ्यासाठी जास्तीचा  पोलीस बंदोबस्त ठेवावा. यासाठी शेजारील जिल्ह्यांची मदत घ्यावी. प्रशासनाकडून वारकऱ्यांसाठी ज्या सुव...

कै.मंगल आकाराम पाटील यांचे वृद्धापकाळाने दुःखद निधन. कराड -प्रतिनीधी. सुपने येथील जेष्ठ महिला ,आदर्श माता कै.मंगल आकाराम पाटील यांचे वृद्धापकाळाने दुःखद निधन झाले. सातारा जि.प. माजी शिक्षण सभापती व कराड तालुका ख.वि.संघाचे माजी अध्यक्ष कै.आकाराम पाटील यांच्या त्या सहचारिणी होत्या तसेच कराड कृषी उत्पन्न बाजार समितीचे विद्यमान संचालक प्रकाश पाटील  यांच्या त्या मातोश्री होत.  रक्षाविसर्जन-शुक्रवार दि.१६/०६/२०२३ रोजी सकाळी ठीक ९.३० वा सुपने[पाटील मळा],ता.कराड येथे होईल.

  वारकऱ्यांच्या सेवेसाठी  आरोग्य यंत्रणा सज्ज.              सातारा. दि 14:  संतश्रेष्ठ श्री संत ज्ञानेश्वर महाराज पालखी सोहळा   दि 18 ते दि 23 जून कालावधीत सातारा जिल्हयातून पाडेगांव - लोणंद, तरडगांव, फलटण, बरड व साधूबुआचा ओढा या मार्गे मार्गक्रमण करणार आहे. वारकऱ्यांच्या आरोग्याच्या दृष्टीने 666 अधिकारी व कर्मचाऱ्यांची नियुक्ती करण्यात आली असून जिल्हाधिकारी जितेंद्र डूडी व मुख्य कार्यकारी अधिकारी ज्ञानेश्वर खिलारी यांच्या मार्गदर्शनाखाली सेवेसाठी आरोग्य यंत्रणा सज्ज आहे.             संतश्रेष्ठ श्री  ज्ञानेश्वर महाराज पालखी सोहळयाचे सातारा जिल्हयातून एकूण 66 कि.मी चा प्रवास असणार आहे. प्रथम दि 18 जून रोजी सातारा जिल्हयात आगमन होऊन दि 18 व 19 जून असे दोन दिवस लोणंद ता. खंडाळा येथे मुक्काम, दि 20 जून  रोजी तरडगांव ता. फलटण, 21 जून रोजी फलटण   व दि 22 जून 2023 रोजी बरड ता. फलटण या ठिकाणी मुक्काम असणार आहे.             पाडेगांव ता. खंडाळा ते साधुबुवाचा ...

  फलटण मध्ये आढळला दुर्मीळ जातीचा पक्षी. सातारा - प्रतिनिधी. फलटण.ता.फलटण.जि.सातारा  मधे प्रथमच दुर्मीळ ब्लॅक-नेपड मोनार्क जातीचा पक्षी आढळून आला असून,हा पक्षी नेचर अँड वाइल्ड लाईफ वेल्फेअर सोसायटी मधील वन्य जीव अभ्यासक रविंद्र लिपारे, गणेश धुमाळ आणि साकेत अहिवळे  यांना पक्षी निरीक्षण करत असताना दिसून आला.    ब्लॅक-नेपड मोनार्क किंवा ब्लॅक-नेपड ब्लू फ्लायकॅचर (Hypothymis azurea) नावाचा हा पक्षी दक्षिण आणि दक्षिण-पूर्व आशियामध्ये आढळणारा मोनार्क फ्लायकॅचरच्या कुटुंबातील एक सडपातळ आणि चपळ पॅसेरीन पक्षी आहे.ते लैंगिकदृष्ट्या द्विरूप असतात, नराच्या डोक्याच्या मागील बाजूस विशिष्ट काळा ठिपका असतो आणि एक अरुंद काळी अर्धी कॉलर ("नेकलेस") असते, तर मादी ऑलिव्ह तपकिरी पंख असलेली निस्तेज असते आणि डोक्यावर काळ्या खुणा नसतात. त्यांच्याकडे एशियन पॅराडाईज फ्लायकॅचर सारखाच कॉल आहे आणि उष्णकटिबंधीय वन अधिवासात, जोड्या मिश्र-प्रजातीच्या चारा कळपांमध्ये सामील होऊ शकतात. पिसारा,रंग आणि आकारात लोकसंख्या थोडी वेगळी असते. हा पक्षी फलटण मधे प्रथमच आढळून आल्याने पक्षीप्रेमींमधे आनंदाचे व...

  दुचाकी वाहनाकरिता नविन मालिका 19 जून पासून सुरू.   सांगली, दि. 13, (जि. मा. का.) : उप प्रादेशिक परिवहन कार्यालय सांगली करीता नव्याने नोंदणी होणाऱ्या दुचाकी वाहनांकरिता एम एच 10 ई सी ही नवीन मालिका सोमवार, दि. 19 जून 2023 पासून सुरू करण्यात येणार आहे. अशी माहिती सहायक प्रादेशिक परिवहन अधिकारी सांगली यांनी दिली.  एम एच 10 ई सी या मालिकेव्यतिरिक्त इतर वाहनांसाठी आकर्षक क्रमांक हवा असेल तर तिप्पट फी भरून आकर्षक नोंदणी क्रमांक देण्यात येईल. पसंतीच्या नोंदणी क्रमांकासाठी प्रथम येणाऱ्यास प्रथम प्राधान्य दिले जाईल. पसंतीच्या नोंदणी क्रमांकाच्या अर्जासोबत केंद्रीय मोटार वाहन नियम, 1989 च्या नियम 4 तसेच महाराष्ट्र मोटार वाहन नियमाच्या 5(अ) मध्ये विहीत केलेल्या पुराव्याची छायांकित प्रत आधार कार्ड, मतदार ओळखपत्र, पासपोर्ट, पॅनकार्ड इत्यादीची साक्षांकित प्रत,  ई-मेल आयडी आवश्यक आहे. पसंतीचे नोंदणी क्रमांक वाहन 4.0 या संगणकीय प्रणालीवर देण्यात येणार असून त्याची वेळ सकाळी 11 ते दुपारी 3 पर्यंत आहे. पसंतीच्या नोंदणी क्रमांकाच्या अर्जासोबत विहीत शुल्काचा डिमांड ड्राफ्ट सादर करणे बं...

  नद्या अमृत वाहिन्या करणे प्रत्येकाची जबाबदारी. "चला जाणूया नदीला" अभियान यशस्वी करूया. ______ डॉ. राजेंद्रसिंह राणा यांचे आवाहन               सांगली दि. १२ (जिमाका) :  चला जाणुया नदीला अभियानामध्ये राज्य शासनाने चांगली भूमिका घेतली आहे. या अभियानाच्या माध्यमातून नद्या अमृत वाहिन्या करण्यासाठी प्रत्येकाने आपली जबाबदारी पार पाडूया व अभियान यशस्वी करूया असे आवाहन चला जाणूया नदीला या अभियानाच्या राज्यस्तरीय समितीचे विशेष निमंत्रित सदस्य डॉ. राजेंद्रसिंह राणा यांनी केले.   स्वातंत्र्याच्या अमृत महोत्सव अंतर्गत चला जाणुया नदीला या अभियानाच्या अनुषंगाने जिल्हाधिकारी कार्यालयाच्या जिल्हा नियोजन समितीच्या सभागृहात चला जाणुया नदीला या अभियानाच्या राज्यस्तरीय समितीचे विशेष निमंत्रित सदस्य डॉ. राजेंद्रसिंह राणा यांच्या प्रमुख उपस्थितीत आढावा बैठक संपन्न झाली. बैठकीस अपर जिल्हाधिकारी डॉ. स्वाती देशमुख, निवासी उपजिल्हाधिकारी विजयसिंह पाटील, उपजिल्हाधिकारी दीपक शिंदे, सहायक उपवनसंरक्षक अजित साजणे, पाटबंधारे विभागाच्या कार्यकारी अभियंता ज्योती दे...

  राज्यात विद्यापीठाशी संलग्नित महाविद्यालयात नवीन शैक्षणिक धोरण पुढील वर्षापासून लागू होणार. गोंडवाना न्यूज नेटवर्क - नवीन राष्ट्रीय शैक्षणिक धोरण यावर्षी फक्त विद्यापीठ संकुलात आणि स्वायत्त महाविद्यालयातच राबवले जाणार आहे. विद्यापीठाशी संलग्नित महाविद्यालयात पुढील वर्षीपासून ते टप्प्याटप्याने राबविण्याचा निर्णय काल उच्च व तंत्रशिक्षण मंत्री चंद्रकांत पाटील यांच्यासोबत झालेल्या कुलगुरू यांच्या बैठकीत घेण्यात आला. राज्यात नवीन शैक्षणिक धोरणाच्या अंमलबजावणीसंदर्भात सुकाणू समिती आणि सर्व कुलगुरूंची बैठक आयोजित करण्यात आली होती. त्यानंतर पत्रकारांशी बोलताना पाटील यांनी ही माहिती दिली. राज्यात नवीन शैक्षणिक धोरणाची (एनईपी) अंमलबजावणी सुरू केली आहे. त्याला गती देण्यासाठी सुकाणू समिती तयार केली आहे. या समितीच्या मार्गदर्शक सूचनांनुसार पुढील शैक्षणिक वर्षांपासून सर्व विद्यापीठ व संलग्नित महाविद्यालयांमध्ये “एनईपी’ अंमलबजावणीसाठी अंतिम आराखडा तयार करण्याचे निर्देश चंद्रकांत पाटील यांनी दिले. या धोरणाची अंमलबजावणी करत असताना विद्यार्थी, पालक, प्राध्यापकांना येणाऱ्या अडचणी यावर सकारात्मक दृ...

  शस्त्र व जमाव बंदी आदेश लागू. सातारा , दि. 9 : सातारा जिल्ह्यात कोणताही अनुचित प्रकार अगर कायदा सुव्यवस्थेचा प्रश्न निर्माण होवू नये म्हणून महाराष्ट्र पोलीस अधिनियम 1951 (सुधारीत अध्यादेश ) महाराष्ट्र पोलीस अधिनियम 2014 चे कलम 37 (1)  व 37 (1) (3) अन्वये दिनांक  20 जून 2023 रोजी रात्री 24.00 वाजेपर्यंत शस्त्र व जमावबंदी आदेश जिल्हादंडाधिकारी जितेंद्र डूडी यांनी जारी केला आहे.             सदरचा आदेश यात्रा, धार्मिक कार्य, लग्न विधी कार्य, अंत्यविधी कार्य  तसेच ज्या लोकांना शांततेच्या मार्गाने एकत्र जमून कोणताही कार्यक्रम साजरा करावयाचा असेल त्याचवेळी पोलीस अधीक्षक, संबंधित उपविभागीय पोलीस अधिकारी, तसेच संबंधित  पोलीस स्टेशनचे प्रभारी पोलीस निरिक्षक यांची आगावू परवानगी घेतली असेल तर त्यांना सदरचा आदेश लागू होणार नाही, असे आदेशात नमूद आहे.

  कोयना सहकारी वाहतूक कामगार संस्था मर्यादित कराडची पंचवार्षिक निवडणूक बिनविरोध. सातारा :- प्रतिनिधी.  कोयना सहकारी वाहतूक कामगार संस्था मर्यादित कराडची पंचवार्षिक निवडणूक बिनविरोध पार पडली.माजी सहकार मंत्री विलासराव पाटील उंडाळकर यांच्या मार्गदर्शनाखाली स्थापन झालेल्या व महाराष्ट्र प्रदेश काँग्रेसचे सरचिटणीस जि. प. सदस्य ॲड. उदयसिंह पाटील उंडाळकर यांच्या नेतृत्वाखाली असलेल्या कोयना सहकारी वाहतूक कामगार संस्था मर्यादित कराडची पंचवार्षिक निवडणूक बिनविरोध पार पडली. 2022 - 23 ते 2026- 27 या  संचालक मंडळात विद्यमान चेअरमन तुकाराम राजाराम पाटील (साळशिरंबे) यांचा समावेश असून अन्य संचालकांमध्ये विजयसिंह मानसिंगराव थोरात (ओंड) सचिन कुमार आत्माराम पाटील (म्हासोली) धनाजी सदाशिव पाटील (उंडाळे) जगदीश बाळासाहेब निकम (शेरे),महादेव आनंदा शिंदे (शिंदेवाडी) कोळेवाडी, विशाल दिनकर पाटील (तुळसण) संपतराव दिनकरराव खबाले(विंग)  सुशीला गुलाब सुतार (कराड) भागवत खाशाबा गोतपागर (कोडोली) काशिनाथ विठ्ठल कारंडे (टाळगाव) जावेद मन्सूर फकीर (कोळे) यांचा नव्या संचालक मंडळात समावेश आहे. नवीन संचालक मं...

  श्री. संत ज्ञानेश्वर महाराज पालखी सोहळ्यासाठी वाहतूकीत बदल. सातारा दि. 8 : श्री संत ज्ञानेश्वर महाराज पालखी सोहळा दि. 18 जून ते दि 23 जून 2023 या कालावधीत सातारा जिल्ह्यातून मार्गक्रमण करणार असून  हा पालखी सोहळा पुणे जिल्ह्यातुन सातारा जिल्हयात दि. 18 जून 2023  रोजी पाडेगाव, लोणंद येथे प्रवेश करणार असून  त्यानंतर लोणंद, तरडगाव, फलटण, बरड या ठिकाणी मुक्काम करुन दि. 23 जून 2023 रोजी सोलापूर जिल्हयात जाणार आहे. या सोहळयानिमित्त जिल्ह्यात वाहतूकीत बदल करण्यात आले आहेत. वाहतूक बदल लक्षात घेऊन पर्यायी मार्गाचा वापर करावा असे आवाहन पोलीस अधिक्षक समीर शेख यांनी केले आहे. पालखी सोहळा हा निरा लोणंद फलटणमार्गे पंढरपूर रस्त्याने जाणार असल्याने तसेच पालखी सेाहळयात लाखो भाविक सहभागी होणार असल्याने पालखी जाणारे मार्गावर कोणताही अपघात घडू नये, वाहतूक समस्या निर्माण होवू नये तसेच अनुचीत प्रकार घडू नये याकरिता पोलीस अधीक्षक समीर शेख यांनी महाराष्ट्र पोलीस अधिनियम  कलम 34 प्रमाणे प्राप्त अधिकारान्वये पालखी सोहळ्यातील वाहनाखेरीज व अत्यावश्यक सेवेतील (पोलीस, रुग्णवाहिका, अग्निशामक...

वारकरी व भाविकांना आवश्यक त्या सोयी सुविधा उपलब्ध करून द्यावी. ___महसूलमंत्री राधाकृष्ण विखे पाटील सातारा दि. 8 : संतश्रेष्ठ श्री ज्ञानेश्वर महाराज पालखी सोहळा दि. 18 जून ते दि.23 जून 2023  या कालावधीत सातारा जिल्ह्यातून मार्गस्थ होणार असून या कालावधीत जिल्हा प्रशासनाने वारकरी व भाविकांना आवश्यक त्या सोयी सुविधा उपलब्ध करून द्यावी, असे निर्देश महसूलमंत्री राधाकृष्ण विखे पाटील यांनी दिले.       महसूल मंत्री राधाकृष्ण विखे पाटील यांनी लोणंद  पालखीतळ व फलटण पालखी तळाची पालखी वारीच्या तयारीच्या दृष्टीने पाहणी केली. त्यावेळी ते बोलत होते. यावेळी आमदार जयकुमार गोरे, पुणे विभागीय आयुक्त सौरभ राव, पुणे जिल्हाधिकारी राजेंद्र देशमुख, सातारा जिल्हाधिकारी जितेंद्र  दुडी,  मुख्य कार्यकारी अधिकारी ज्ञानेश्वर खिलारी, पोलीस अधीक्षक समीर शेख, पालखी सोहळा प्रमुख आणि विशस्त तसेच संबंधित विभागाचे अधिकारी उपस्थित होते.       पालखी मुक्कामस्थळाच्या पाहणीवेळी श्री. विखे पाटील म्हणाले संत श्रेष्ठ श्री ज्ञानेश्वर महाराज पालखी सोहळ्यात मुख्य पालखीच्या सोबत नोंदणी...

  कोडोली गावचा सुपुत्र नितिन सकट झळकला टीव्ही सिरीयल मध्ये . कार्वे प्रतिनिधी :- प्रविण पाटील कृष्णा नदी तीरावर्ती वसलेल्या कोडोली या छोट्याशा गावातील लहान पणापासून कलेची आवड असणारे नितिन  सकट यांना सोनी मराठी टीव्ही चॅनेल वरील ज्ञानेश्वर माऊली या मालिका मध्ये श्रावण नावाचे पात्र अभिनय करण्यास भेटले आहे. नितीन सकट हे प्रेक्षकांच्या भेटीसाठी सोनी मराठी चॅनेल वरील ज्ञानेश्वर माऊली या मालिकांमध्ये आपणास सोमवार ते शनीवार सांय ७ वाजता भेटणार आहेत.    तसेच त्यांना सोनी मराठी टीव्ही चॅनेल वरील आशिर्वाद तुझा एकविरा आई या  सिरीयल मध्ये हि छोटीशी भूमिका मिळाली आहे. ही मालिका सोमवार ते शनिवार सायंकाळी ८ वाजता प्रसारित होत आहे. यावेळी नितीन सकट आपणास भेटणार आहेत. यापूर्वी त्यांनी कोडोली गावामध्ये  गणेश उत्सवात  सादर केल्या जाणाऱ्या नाटकामध्ये सक्रिय सहभाग नोंदवून आपल्या कलेला वाव देण्याचे काम केले आहे. तसेच त्यांनी समाज उपयोगी कार्यक्रमात सहभाग नोंदवून सामाजिक जनजागृती,पर्यावरण व अंधश्रद्धा विषयी नाटिका सादर करून  समाजामध्ये एक आदर्श निर्माण केला आहे. ही कला ...

  सातारा जिल्हाधिकारी रुचेश जयवंशी यांची बदली. कराड -प्रतिनिधी. सांगली जिल्हा परिषदेचे मुख्याधिकारी जितेंद्र दुडी यांची सातारा जिल्हाधिकारी म्हणून नियुक्ती.

  पुणे विद्यापीठाच्या कुलगुरूपदी डॉ. सुरेश गोसावी यांची नियुक्ती. गोंडवाना न्यूज ब्युरो रिपोर्ट - सावित्रीबाई फुले पुणे विद्यापीठाच्या कुलगुरूपदी डॉ. सुरेश गोसावी यांची नियुक्ती झाली . तब्बल वर्षभरानंतर विद्यापीठाला पूर्णवेळ कुलगुरू मिळाल्यामुळे आता कामकाजाला गती मिळणार. डॉ. नितीन करमळकर यांचा कुलगुुरूपदाचा कार्यकाळ मे 2022 मध्ये संपला. त्यानंतर अतिरिक्त कार्यभार डॉ. बाबासाहेब आंबेडकर तंत्रशास्त्र विद्यापीठाचे कुलगुरू डॉ. कारभारी काळे यांच्याकडे सोपविण्यात आला. कुलगुरू निवड शोध समिती सप्टेंबरमध्ये स्थापन झाली होती. या समितीने उमेदवारांकडून अर्ज मागवले होते. यात एकूण 90 उमेदवारांनी अर्ज दाखल केले होते. सर्व निवड प्रक्रिया पूर्ण झाल्यानंतर,  अखेर डॉ. सुरेश गोसावी यांच्या नावावर अंतिम शिक्कामोर्तब करण्यात आले आहे. डॉ. गोसावी हे विद्यापीठाच्या भौतिकशास्त्र विभागातील वरिष्ठ प्राध्यापक, स्कूल ऑफ फिजिकल सायन्स विभागाचे संचालक म्हणून कार्यरत होते. त्यांच्याकडे पर्यावरणशास्त्र विभाग प्रमुख पदाचा अतिरिक्त कार्यभारही होता. त्यांनी एमएस्सी, पीएच.डी. पदवी मिळविली असून त्यांनी विविध विषयां...

  भरत कदम यांचे निधन. कराड, दि. 6 ः येथील टिळक हायस्कूलचे क्रीडाशिक्षक व उत्कृष्ठ सुत्रसंचालक, पत्रकार भरत रघुनाथ कदम (वय 45) यांचे हृदयविकाराच्या झटक्याने निधन झाले. त्यांचे मुळ गाव येणके (ता. कराड) असून येथील ग्रामविकास प्रतिष्ठानचे ते सचिव म्हणून काम पहात होते. याचबरोबर गावच्या विकासासाठी ते नेहमी कार्यरत असायचे. मनमिळाऊ स्वभावामुळे ते कराड शहरासह तालुक्यात ते लोकप्रिय होते. त्यांच्या अचानक जाण्यामुळे येणके गावावर शोककळा पसरली असून सामाजिक, शैक्षणिक, सांस्कृतिक, राजकीय क्षेत्रातून हळहळ व्यक्त होत आहे. त्यांच्या पश्चात पत्नी, दोन मुले, भाऊ, भावजय, पुतणे असा परिवार आहे. रक्षाविसर्जन विधी गुरुवार दि. 8 रोजी येणके ता. कराड येथे सकाळी 9 वाजता होणार आहे. 

  राज्यातील जिल्हा परिषदांच्या सर्व प्राथमिक शाळांमध्ये  शिक्षणाचे सूक्ष्म नियोजनासाठी केंद्र प्रमुख पदांना मंजूरी. " 50 टक्के पदे पदोन्नतीने व 50 टक्के पदे मर्यादित विभागीय स्पर्धा परीक्षेद्वारे भरणार. गोंडवाना न्यूज ब्युरो रिपोर्ट - राज्यातील जिल्हा परिषदांच्या सर्व प्राथमिक शाळांमध्ये सर्वांसाठी शिक्षणाचे सूक्ष्म नियोजन करणे, विद्यार्थ्यांची सतत उपस्थिती टिकविणे व शिक्षणाचा दर्जा उचांवण्यासाठी 4 हजार 860 केंद्र प्रमुखांची पदे मंजूर करण्यात आली आहेत. यात 2 हजार 384 पदांची विभागीय मर्यादित स्पर्धा परीक्षेद्वारे जिल्हा परिषदांच्या प्राथमिक शिक्षकांच्या केंद्र प्रमुख पदावर नियुक्‍त्या करण्यात येणार असून यासाठी पात्र उमेदवारांकडून ऑनलाईन पद्धतीने अर्ज करण्यासाठी 6 ते 15 जून अशी मुदत देण्यात आलेली आहे. जूनच्या शेवटच्या आठवड्यात ऑनलाईन पद्धतीने स्पर्धा परीक्षा घेण्यात येणार आहे. मागील काही वर्षांपासून केंद्र प्रमुखांची बहुसंख्य पदे रिक्त पडलेली आहेत. अखेर प्राथमिक शिक्षकांच्या माध्यमातून स्पर्धा परीक्षेद्वारे ही पदे भरण्यासाठी हालचाली सुरू झालेल्या आहेत. केंद्र प्रमुखांची सद्यस्थ...

  मनसेच्या आंदोलनाच्या दणक्यामुळे कालवडेकराना मिळाला रस्ता . कराड -प्रतिनिधी. कराड तालुक्यातील वाठार येथे कालवडे गावांत जाण्या करिता मांड नदी वर पूल होता.कराड-कोल्हापूर महामार्गाच्या कामांकरिता तो पूल पाडण्यात आला.त्यामुळे कालवडे गावात जाण्यासाठी रस्ता उपलब्ध नसल्याने कालवडे ग्रामस्थांसह इतर वाहनधारकांना महामार्ग वरून विरुद्ध दिशेने (wrong side)ने जीव धोक्यात घालून उलटा प्रवास करावा लागत होता.त्यामध्ये कोणाचा तरी जीव जाण्याची शक्यता होती. त्यामुळे त्याला पर्यायी रस्ता द्यावा म्हणून महाराष्ट्र नवनिर्माण सेनेचे सातारा जिल्हाध्यक्ष अँड विकास पवार,मनसे वहातुक सेलचे उपजिल्हा संघटक सतीश यादव यांचे वतीने दि 6 जून रोजी निवेदन देण्यात आले होते. व जर का 6 जून पर्यंत पर्यायी रस्ता न झाल्यास महामार्ग वर रस्ता रोको आंदोलन आयोजित करण्यात आले होते. मनसेच्या निवेदनाची मा.तहसीलदार साहेब व तालुका पोलीस स्टेशन चे अधिक्षक मा आनंदराव खोबरे साहेब यांनी दखल घेऊन महामार्ग अधिकारी अदानी चे जनरल मनेजर देवेंद्र शर्मा यांना बोलावून घेऊन पर्यायी रस्ता बाबत खोबरे साहेब,देवेंद्र शर्मा साहेब, रस्ते अतिक्रमण अधिका...

  जागतिक पर्यावरण दिनी माझी वसुंधऱा 3.0 पुरस्कारांचे वितरण.   अमृत शहर संवर्गात सातारा नगर पालिका प्रथम. पर्यावरणाचे संवर्धन करीत शाश्वत विकासासाठी राज्य शासन कटिबद्ध – मुख्यमंत्री एकनाथ शिंदे. मुंबई, दि. 5 – विकास आणि पर्यावरण संवर्धन व जतन याला राज्य शासनाने महत्व दिले आहे. पर्यावरण पूरक विकासाला राज्य शासनाचे प्राधान्य असून राज्याला लाभलेला सह्याद्री पर्वतरांगा, समुद्रकिनारे आणि पश्चिम घाट हा पर्यावरणाचा ठेवा जतन करण्याची सर्वांची जबाबदारी आहे, असे प्रतिपादन मुख्यमंत्री एकनाथ शिंदे यांनी केले. राज्यातील नागपूर, मुंबई,  महानगर प्राधिकरण, छत्रपती संभाजीनगर, रत्नागिरी आणि नाशिक या शहरात सर्कुलर इकॉनॉमी पार्कची निर्मिती करण्यात येणार असून ग्रीन बॉण्डच्या माध्यमातून 2024 सालापर्यंत 5 हजार कोटीचा निधी उभारण्याचा संकल्प असल्याचे ते म्हणाले. कांदळवनाच्या जतन आणि संवर्धनात महाराष्ट्र आघाडीवर असून राज्यात 18 नवीन आणि सात प्रस्तावित संवर्धन राखीव वनक्षेत्रे घोषित केली आहेत. नागरी जैवविविधतेचा अभ्यास करणाऱ्या विद्यार्थ्यांसाठी शिष्यवृत्ती देण्याचा निर्णय राज्य शासनाने घेतला असल्या...

माझी वसुंधरा अभियानात कराड राज्यात पहिले सलग दुसऱया वर्षी प्रथम; पाच कोटींचे बक्षीस. कराड -प्रतिनिधी. राज्य शासनाच्या वतीने घेण्यात येणाऱया माझी वसुंधरा अभियान 3.0 मध्ये कराड नगरपालिकेने 50 ते 1 लाख लोकसंख्येच्या गटात राज्यात प्रथम क्रमांक मिळवला. याबरोबरच 5 कोटी रूपयांचे बक्षीसही पटकावले आहे.   जागतिक पर्यावरण दिनी मुंबई येथे आयोजित केलेल्या सोहळय़ात मुख्यमंत्री एकनाथ शिंदे, विधानसभेचे सभापती राहुल नार्वेकर, महसूलमंत्री राधाकृष्ण विखे पाटील यांच्या हस्ते हे बक्षीस पालिकेचे तत्कालीन मुख्याधिकारी रमाकांत डाके, उपमुख्याधिकारी विशाखा पवार, मुदस्सर नदाफ, आशिष रोकडे, अनिल गवळी, किरण कांबळे, कृष्णत कांबळे, स्वच्छतादूत अजित शिंदे आदींनी स्वीकारले. नगरपालिकेने गतवेळी अभियान 2.0 मध्ये राज्यात पहिल्या क्रमांकाचे बक्षीस मिळवले होते. तर त्यापूर्वी अभियान 1.0 मध्ये दुसऱया क्रमांकाचे बक्षीस मिळवले होते. सलग तीन वर्षे या अभियानात पालिकेने सर्वोत्कृष्ट कामगिरी केली आहे. या तीन वर्षात सलग बक्षिसे मिळाल्याने पालिकेला सुमारे 13 कोटी रूपये मिळाले आहेत. पृथ्वी, वायू, जल, अग्नी, आकाश या निसर्गाशी सं...

  स्वा. दादासाहेब उंडाळकर विद्यालयाचा दहावीचा निकाल  96.49 टक्के.   कु. शेवाळे श्रेया बाळकृष्ण दहावी परीक्षेच्या निकालात प्रथम क्रमांक. उंडाळे -प्रतिनिधी.         महाराष्ट्र राज्य माध्यमिक व उच्च माध्यमिक शिक्षण मंडळातर्फे मार्च 2023 मध्ये घेण्यात आलेल्या दहावीच्या परीक्षेत येथील  स्वातंत्र्यवीर दादासाहेब उंडाळकर विद्यालयाचा निकाल  96.49% लागला.                      विद्यालयातील अनुक्रमे , कु. शेवाळे श्रेया बाळकृष्ण. (94.80) . कु. कदम वैष्णवी संजय. (94%)  .कु.पाटील वैष्णवी काशिनाथ (93.60%)  .कुंभार वैदही गणेश. (92.20%)  .कु.वीर स्वनाली सूर्यकांत. (91.40.) यशस्वी विद्यार्थ्यांचे संस्थेचे माजी अध्यक्ष जयसिंगराव पाटील, अध्यक्ष अँड आनंदराव पाटील, उपाध्यक्ष शंकरराव पाटील, सचिव बी आर यादव,, सर्व संचालक, निरीक्षक, प्राचार्य बी आर पाटील पर्यवेक्षक जे एस माळी सर्व  शिक्षक, शिक्षकेतर कर्मचारी यांनी अभिनंदन केले.

  श्री कोटेश्वर माध्यमिक व उच्च माध्यमिक विद्यालय,गोवे.चा एस.एस.सी. निकाल 100 % टक्के. सातारा प्रतिनिधी :-              श्री कोटेश्वर माध्यमिक व उच्च माध्यमिक विद्यालयाने शिक्षण क्षेत्रातही गुणवत्तेचा झेंडा कायम ठेवला आहे.यावर्षी मुलींनीच बाजी मारली आहे.इयत्ता दहावी मध्ये कु.सिध्दी धनंजय भोसले,कु.ऋतुजा आनंदराव साळुंखे या दोघींनी 90.40 टक्के समान गुण मिळवूण विद्यालयात प्रथम क्रमांक मिळवला.तसेच कु.अनुष्का निलेश शिंदे हिने 89.40 टक्के गुण मिळवूण व्दितीय क्रमांक ,तसेच कु.अपुर्वा अजित पडगळ हिने 85.20 टक्के गुण मिळवूण विद्यालयात तृतीय क्रमांक मिळवला. या वर्षी विद्यालयातील एकुण 19 विद्यार्थ्यांना विशेष प्राविण्य श्रेणी प्राप्त झाली तर 16 विद्यार्थ्यांना प्रथम श्रेणी प्राप्त झाली.                  श्री कोटेश्वर शिक्षण प्रसारक संस्थेचे अध्यक्ष नंदाभाऊ जाधव ,सचिव श्री तुकाराम आण्णा जाधव,संचालक भुजंगराव जाधव तसेच प्राचार्या श्रीमती विभा साबळे ,वर्गशिक्षक श्री लक्ष्मण उबाळे सर्व शिक्षक व शिक्षकेत्तर कर्मचारी यांनी ...

  कोडोली हायस्कूलचा दहावीचा निकाल 100 टक्के. कार्वे प्रतिनिधी :- कोडोली ता.कराड येथील भारती विद्यापीठच्या हौसाबाई विठ्ठलराव पाटील प्रशालेतील इयत्ता दहावीचा निकाल सलग पाच वर्ष शंभर टक्के लागला आहे.  गौरी विकास जगताप हिला 90% टक्के गुण मिळाले ती विद्यालयात पहिली आली. प्रज्ञा भरत माने हिला 84.80% गुण मिळवून द्वितीय तर आदित्य रमेश जगताप 84.40% गुण मिळवून तृतीय आला. यशस्वी विद्यार्थ्यांचे भारतीय विद्यापीठच्या हौसाबाई विठ्ठलराव पाटील प्रशालेचे मुख्याध्यापक श्री तरवारे के.पी. व शिक्षक श्री. मोरे आय.जे. श्री.आंबी एस.ए.सौ. जाधव व्ही.ए.सौ.संदे एस. ए.  शिक्षक इतर कर्मचारी यांनी अभिनंदन केले.तसेच या यशस्वी विद्यार्थ्यांचे शाळा व्यवस्थापन समितीचे अध्यक्ष, उपाध्यक्ष, सदस्य, पालक कोडोली गावातील ग्रामस्थ यांनी अभिनंदन केले. व पुढील वाटचालीस शुभेच्छा दिल्या.

  शासन आपल्या दारी उपक्रमांतर्गत मिरज येथील रोजगार मेळाव्याचे पालकमंत्री डॉ. खाडे यांच्या हस्ते उद्घाटन . विकास कामांचा अनुशेष पूर्ण करून मागणीमुक्त गावांची संकल्पना राबविण्याचा निश्चय  - पालकमंत्री डॉ. सुरेश खाडे    सांगली दि. १ (जि.मा.का.) :- गावातील विकास कामे आणि गावांसाठी असणाऱ्या आवश्यक पायाभूत सुविधा उपलब्ध करून देण्यास प्राधान्य देण्यात येत आहे. गावांच्या विकास कामांचा अनुशेष पूर्ण करून मागणी मुक्त गावाची संकल्पना राबविण्याचा निर्धार करण्यात आला आहे, असे प्रतिपादन कामगार मंत्री तथा पालकमंत्री डॉ. सुरेश खाडे यांनी मिरज येथील रोजगार मेळाव्यात केले.  शासन आपल्या दारी या अभियानांतर्गत जिल्हा कौशल्य विकास, रोजगार व उद्योजकता मार्गदर्शन केंद्र आणि दास बहुउद्देशीय विश्वस्त संस्था यांच्या संयुक्त विद्यमाने मिरज येथील मातोश्री तानुबाई दगडू खाडे  इंग्लिश स्कूल येथे आयोजित पंडीत दीनदयाळ उपाध्याय रोजगार मेळाव्याचे उद्घाटन पालकमंत्री डॉ. सुरेश खाडे यांच्या हस्ते करण्यात आले. रोजगार मेळावा उद्घाटन प्रसंगी महापौर दिग्विजय सुर्यवंशी, मुख्य कार्यकारी अधिकारी तथा प्र...