बहुजनक्रांतिवाद News Network Coop Ent. संचलित " गोंडवाना न्यूज "

  कॉलेज ऑफ फार्मसी (डी फार्म) घोगाव महाविद्यालयात व्याख्यान संपन्न. उंडाळे -प्रतिनिधी. श्री संतकृपा शिक्षण संस्थेचे कॉलेज ऑफ फार्मसी (डी फार्म) घोगाव येथे विद्यार्थ्यांसाठी  जी.एम.पी. इन फार्मा इंडस्ट्रीज या विषयावर व्याख्यान संपन्न झाले.  औषध निर्माण कंपनीमध्ये कशाप्रकारे मॅन्युफॅक्चरिंग केले जाते. विविध प्रक्रिया कशा पार पाडल्या जातात. गुड मॅन्युफॅक्चरिंग प्रॅक्टिसेस म्हणजे नक्की काय, त्याचे महत्त्व काय आहे. कोणत्या प्रकारचे नियम पाळावे लागतात, काय काळजी घ्यावी लागते. याबाबत सविस्तर माहिती ग्लेनमार्क फार्मासिटिकल फार्मास्युटिकल प्रा.लिमिटेड गोवा येथील जनरल मॅनेजर  माया नांदे यांनी दिली. त्याचबरोबर विद्यार्थ्यांच्या शंकांचे त्यांनी निरसन केले.  यावेळी महाविद्यालयाच्या प्राचार्या डॉ. वैशाली पाटील यांनी माया नांदे यांचे स्वागत केले. तर कार्यक्रमाचे सूत्रसंचालन प्रा. श्रद्धा वैद्य व आभार प्रा. मोनिका चवरे यांनी  मानले.

मा. दीपक लोखंडे यांच्या वाढदिवसानिमित्त फळे वाटप . कराड- प्रतिनिधी.   येवती गावचे सुपुत्र चंद्रभागा रूरल डेव्हलपर चे संस्थापक अध्यक्ष मा. दीपक लोखंडे  यांच्या वाढदिवसानिमित्त कराड येथील उपजिल्हा रुग्णालयात रुग्णांना फळे वाटप करण्यात आले. अखिल भारतीय ग्रामीण पत्रकार संघाचे महाराष्ट्र राज्याचे संघटक   पत्रकार ज्ञानेश्वर शेवाळे व यैवती  गावचे ग्रा.पं सदस्य ,देवांशी कन्स्ट्रक्शन चे अध्यक्ष  महादेव शेवाळे यांच्या वतीने या कार्यक्रमाचे आयोजन करण्यात आले होते.यावेळी या  कार्यक्रमास डॉ. बाबासाहेब आंबेडकर समितीचे अध्यक्ष राहुल भोसले ,कृणाल आंबवडे , अभिजीत आंबवडे ,यश तिरमारे ,प्रणित थोरवडे, संदीप थोरवडे.निधी बँकचे सिद्धार्थ वाघमारे सुधीर कांबळे ,अंकुश कांबळे ,निकम तात्या , उपस्थित होते .यावेळी बोलताना  भोसले म्हणाले की ,दीपक दादा लोखंडे यांच्या वाढदिवसानिमित्त राबवलेला हा  उपक्रम  खरोखरच आदर्शवत आहे.  याची प्रेरणा आमच्यासारख्या तरुणांनी घेऊन त्यांनी देखील अशा प्रकारचे सामाजिक उपक्रम राबवून  आपला वाढदिवस साजरा करावा, व रुग्णांची सेवा हीच ...

  कोयना वसाहत व नांदगावसाठी एकूण ४० लाखांचा विकासनिधी मंजूर. डॉ. अतुलबाबा भोसले यांच्या प्रयत्नांना यश; ना. गिरीश महाजन यांचे सहकार्य. कराड, ता. २३ : कराड दक्षिण मतदारसंघातील कोयना वसाहत आणि नांदगाव (ता. कराड) या गावांमधील विविध विकासकामांसाठी भाजपाचे सातारा लोकसभा प्रभारी डॉ. अतुलबाबा भोसले यांच्या प्रयत्नांमुळे एकूण ४० लाख रुपयांचा विकासनिधी मंजूर झाला आहे. या विकासनिधीसाठी राज्याचे ग्रामविकास मंत्री ना. गिरीश महाजन यांचे विशेष सहकार्य लाभले आहे.  कराड दक्षिण मतदारसंघातील कोयना वसाहत आणि नांदगाव येथे रस्त्याच्या काँक्रिटीकरणासाठी निधी मिळावा, अशी मागणी या भागातील ग्रामस्थांनी डॉ. अतुलबाबा भोसले यांच्याकडे केली होती. त्यानुसार डॉ. भोसले यांनी याकामी ग्रामविकास विभागाच्या माध्यमातून निधी उपलब्ध करुन देण्याची मागणी ग्रामविकास मंत्री ना. गिरीश महाजन यांच्याकडे केली. ना. महाजन यांनी या मागणीची दखल घेत, कोयना वसाहत आणि नांदगावसाठी एकूण ४० लाख रुपयांचा निधी मंजूर केला आहे. या माध्यमातून कोयना वसाहतमध्ये युरेका टॉवर्स ते मातोश्री अपार्टमेंट रस्ता काँक्रिटीकरण (१० लाख) आणि सेन्च्युरी...

  मातंग समाजाचे प्रश्न सोडवण्यासाठी महायुती सरकार कटिबंध. दलित महासंघाच्या निर्धार मेळाव्यात ना. शंभूराज देसाई यांचे आश्वासन कराड / प्रतिनिधी "मातंग समाजाच्या प्रश्नाच्या अनुषंगाने महायुती सरकार हे सकारात्मक असून या समाजाचे कोणतेही प्रश्न सोडवण्याच्या दृष्टीने मुख्यमंत्री एकनाथराव शिंदे साहेबांच्या नेतृत्वाखाली आम्ही सर्वजण कटिबद्ध आहोत" अशा पद्धतीची ग्वाही महाराष्ट्राचे राज्य उत्पादन शुल्क मंत्री आणि सातारा जिल्ह्याचे पालकमंत्री ना. शंभूराज देसाई यांनी आज येथे दलित महासंघाच्या निर्धार मेळाव्यामध्ये बोलताना दिली. यावेळी मेळाव्याचे उद्घाटक म्हणून बोलताना ना. शंभुराजे देसाई म्हणाले की, " मातंग समाजाचे अनेक प्रश्न आहेत. मातंग समाजाला स्वतंत्र आरक्षण मिळवून देणे, अण्णा भाऊ साठे महामंडळ गतीने चालविणे, अण्णा भाऊ साठे यांना भारतरत्न देणे, बार्टी प्रमाणेच मातंग समाजासाठी स्वतंत्र आर्टीची स्थापना करणे, यासारखे मातंग समाजाचे जे काही प्रश्न आहेत या प्रश्नाच्या अनुषंगाने फेब्रुवारी महिन्यामध्ये मुंबईत मंत्रालयामध्ये मुख्यमंत्र्यांच्या सोबत एक बैठक करण्यात येईल आणि त्या बैठकीमध्ये मा...

  रिळे ता. शिराळा येथे बौद्ध धम्म परिषदेच आयोजन. शिराळा -प्रतिनिधी.(नानासाहेब कांबळे.) रिळे ता.शिराळा येथे 19फेब्रुवारी 2024 रोजी  3री बौद्ध धंम्म परिषद  समन्वय समितीच्या वतीने आयोजित करण्यात आली आहे. या धम्म परिषदेला मार्गदर्शन करण्यासाठी विश्वरत्न डॉ. बाबासाहेब आंबेडकर यांचे पणतू डॉ. राजरत्न अशोकराव आंबेडकर राष्ट्रीय अध्यक्ष भारतीय बौद्ध महासभा हे उपस्थित राहणार आहेत. या परिषदेच्या नियोजनाची बैठक चिंचोली येथे संपन्न झाली. यावेळी दिलीप कांबळे, सुनिल झिमूर, वैभव वाघमारे,भारत मोहीते,अजय एटम,शंकर ढेकळे, कृष्णा कांबळे, रणधीर कांबळे, विपूल कांबळे, संभाजी घोलप, सुनिल वाघमारे,विजय कांबळे, संजय आढाव, विनोद आढाव,उपस्थित होते. याबरोबरच अथर्व चॅरिटेबल ट्रस्ट चे पदाधिकारी व सी. आर. सांगलीकर यांचे प्रतिनिधी उपस्थित होते.

  शेतकऱ्यांनी दुग्ध व्यवसायाकडे पाहण्याचा दृष्टिकोन बदलण्याची गरज : डॉ. शांताराम गायकवाड. कराड -प्रतिनिधी. आपल्याकडे अजूनही दुग्ध व्यवसायाकडे पारंपारिक उद्योग म्हणूनच पाहिले जाते. परंतु, या व्यवसायातून दुधाव्यतिरिक्त खत, निरोगी कालवडींचे संगोपन, कुक्कुटपालन, ओला चारा निर्मिती, मुरघास आदींच्या माध्यमातूनही चांगले उत्पन्न मिळवता येते. यासाठी शेतकऱ्यांनी दुग्ध व्यवसायाकडे पाहण्याचा दृष्टिकोन बदलण्याची गरज आहे, असे प्रतिपादन श्रीमंत संजीवराजे नाईक-निंबाळकर गोविंद डेअरी, फलटण संस्थेचे संचालक डॉ. शांताराम गायकवाड यांनी केले. येथील कृष्णा कृषी परिषदेतर्फे आयोजित कृष्णा कृषी व औद्योगिक महोत्सवामध्ये कृषी चर्चासत्रात ‘दुग्ध व्यवसायातील नवीन संधी’ या विषयावर मार्गदर्शन करताना ते बोलत होते. डॉ. गायकवाड म्हणाले, आपल्याकडे लोक पंजाब, हरियाना, कर्नाटक इत्यादी राज्यांतून गाय व म्हैशी विकत आणतात. त्याठिकाणी ही जनावरे चांगले दुध देतात. पण आपल्याकडे आणल्यावर बऱ्याच वेळा तक्रारी वाढतात. त्यापेक्षा आपल्या तरुणांनी चांगल्या प्रकारे वासरांचे संगोपन केल्यास या माध्यमातून त्यांना मोठी रोजगाराची संधी उपलब्...

  शाश्वत शेतीला डिजिटल तंत्रज्ञानाची जोड हवी : डॉ. सुनील गोरंटीवार. कराड -प्रतिनिधी. सध्या कृषी क्षेत्रापुढे हवामान बदल व त्यातील विविधता, जमिनीची घटती उत्पादकता, आणि नैसर्गिक संसाधनांची कमतरता अशा अनेक आव्हाने व समस्या उभ्या आहेत. यातून उत्पादनवाढीसह शाश्वत शेती करायची असेल, तर त्याला डिजिटल तंत्रज्ञानाची जोड देण्याची गरज निर्माण झाली आहे, असे प्रतिपादन महात्मा फुले कृषी विद्यापीठाचे कृषी अभियांत्रिकी विभागप्रमुख, संशोधक सल्लागार डॉ. सुनील गोरंटीवार यांनी केले. कराड येथील छत्रपती शिवाजी स्टेडियमवर आयोजित कृष्णा कृषी व औद्योगिक महोत्सवाच्या तिसऱ्या दिवशीच्या कृषी चर्चासत्रात ‘भविष्यातील शेती व डिजिटल तंत्रज्ञानाची आवश्यकता’ या विषयावर मार्गदर्शन करताना ते बोलत होते. डॉ. गोरंटीवार म्हणाले, 30 वर्षांपूर्वी कृषी शास्त्रज्ञांनी हवामान बदलाबाबतचा अंदाज व्यक्त केला होता. परंतु, त्याकडे गांभीर्याने पाहिले गेले नाही. मात्र, आता त्याचे परिणाम प्रकर्षाने दिसू लागले आहेत. 50-60 वर्षांपूर्वी काळाची गरज म्हणून रासायनिक खते, संक्रमित बियाणे व पाण्याचा अतिवापर केल्यामुळे उत्पादन वाढले. परंतु, याम...

  केंद्रस्तरीय क्रिडा स्पर्धेत पाचगणी शाळेचे घवघवीत यश. शिराळा -प्रतिनिधी.(नानासाहेब कांबळे.) न्यू इग्लिश स्कूल येळापूर, केंद्र मेणी ता- शिराळा  येथे झालेल्या केंद्रस्तरीय क्रिडा स्पर्धेत जिल्हा परिषद शाळा पाचगणी या शाळेने घवघवीत यश संपादन केले. केंद्रस्तरीय स्पर्धेत इयत्ता पहिली ते चौथीच्या  लहान गटात शाळेचा विद्यार्थी विघ्नेश रघुनाथ पाटील याने 50 मी धावने द्वितीय क्रमांक ,100मीधावने प्रथम क्रमांक , लांब उडी प्रथम क्रमांक पटकावत शाळेसाठी सर्वाधिक पदके मिळवली.  तसेच 1ते 4 गटात रिले 50 मीटर या स्पर्धेत विघ्नेश पाटील, कौस्तुभ कांबळे, आयुष मोरे,व सुजल पाटील या चौघांनी प्रथम क्रमांक पटकावला.  5 ते 8 वी या मोठ्या गटात वैयक्तिक स्पर्धेत 100 मी.धावणे मध्ये अवधुत रघुनाथ पाटील याने द्वितीय, 400 मी धावणे मध्ये जीवन आधिक पाटील याने द्वितीय, गोळा फेक या स्पर्धेत  मं गेश विलास एटम याने तृतीय क्रमांक पटकावला. यासोबतच  मोठ्या गटात  रिले 100 मी  धावणे मध्ये जीवन पाटील, रविराज चव्हाण, अवधुत पाटील व करण चव्हाण या चौघांनी शाळेसाठी प्रथम क्रमांक पटकावला.  य...

  हवामानानुसार शेती व्यवस्थापनात बदल आवश्यक : डॉ. रामचंद्र साबळे. कराड -प्रतिनिधी.  दि. १९ : वृक्षतोड, वाढती वाहने व अन्य घटकांच्या माध्यमातून उत्सर्जित होणाऱ्या कार्बनचे हवेतील वाढते प्रमाण आणि प्रदूषण आदींमुळे हवामानात मोठा बदल होत आहे. त्यामुळे दुष्काळ आणि अतिवृष्टी हे हवामान बदलाचे दोन मोठे विभिन्न परिणाम दिसत असून शेतीक्षेत्रावर याचा मोठा विपरीत परिणाम होत आहे. त्यामुळे पर्जन्यमनातही अनिश्चितता दिसून येत असल्याने हवामान बदलानुसार शेतकऱ्यांनी शेती व्यवस्थापनातही आवश्यक बदल करायला हवा, असे प्रतिपादन महात्मा फुले कृषी विद्यापीठाचे माती विभागप्रमुख व ज्येष्ठ हवामानशास्त्रज्ञ डॉ. रामचंद्र साबळे यांनी केले. य. मो. कृष्णा सहकारी साखर कारखाना पुरस्कृत कराड येथील छत्रपती शिवाजी स्टेडियमवर आयोजित कृष्णा कृषी व औद्योगिक महोत्सवातील कृषी चर्चासत्रात ‘हवामान बदल व शेती व्यवस्थापन’ या विषयावर मार्गदर्शन करताना ते बोलत होते. अध्यक्षस्थानी जयवंतराव भोसले कृष्णा कृषी महाविद्यालयाचे प्राचार्य श्री. अशोक फरांदे होते. कृष्णा कृषी परिषदेचे अध्यक्ष गजेंद्र पाटील यांची प्रमुख उपस्थिती होती. डॉ....

  महाराष्ट्राच्या लोकसंस्कृतीचे संगीतमय नृत्याद्वारे दर्शन. कृष्णा महोत्सवात ‘जय जय महाराष्ट्र माझा’ कार्यक्रमाने जिंकली रसिकांची मने. कराड - प्रतिनिधी.  ऊन, वारा, पाऊस याची तमा न बाळगता आपल्या ताटात भाकरी येण्यासाठी राबणारा शेतकर्यांाचे गौरव करणारे गीत... स्वराज्य निर्मितीत हेरगिरीद्वारे मोलाची भूमिका बजावणार्यात लोकांचे पारंपारिक ठाकर गीत अन् भूपाळी ते भव्य दिव्य राज्याभिषेक सोहळा दाखविणार्याक ‘जय जय महाराष्ट्र माझा’ या संगीतमय नृत्य कार्यक्रमाने कराडकर अक्षरशः भारावले होते. या कार्यक्रमाद्वारे महाराष्ट्राच्या लोकसंस्कृतीचे दर्शन घडवत आंतरराष्ट्रीय दर्जाच्या कृष्णा कृषी व औद्योगिक महोत्सवाला एका वेगळ्या उंचीवर नेऊन ठेवले आहे. कराड येथील छत्रपती शिवाजी महाराज स्डेडियमवर आयोजित कृष्णा कृषी व औद्योगिक महोत्सवाच्या पहिल्या दिवशी सायंकाळी सहा वाजता महाराष्ट्राची लोकधारा दाखविणारा अंतरंग प्रस्तुत ‘जय जय महाराष्ट्र माझा’ हा सांस्कृतिक कार्यक्रम आयोजित करण्यात आला होता. या कार्यक्रमाद्वारे महाराष्ट्राच्या संस्कृतीची गाथा लक्षवेधी व डोळ्याचे पारणे फेडणार्याक नृत्याद्वारे सादर करण्यात...

  हिंदी साहित्य व सिनेमाने भारतीय जीवन मूल्यांकडे जगाचे लक्ष वेधले.                                                                     - प्रा. अविनाश पाटील. सातारा - प्रतिनिधी.          हिंदीतील समृद्ध साहित्याचा लाभ हिंदी बॉलिवूडला व जगातील सिने सृष्टीला झालेला आहे. हिंदी साहित्याचा अनुवाद जगातील अनेक भाषेत होत आहे. जागतिक स्तरावर हिंदी साहित्य , मासिके, ब्लॉग याचबरोबर सिनेमा , मालिका, वेबस्टोरी, यु ट्यूब स्टोरी व्हिडिओ, ऑडिओ व अनुवाद यांमुळे हिंदी भाषेबद्दलचे आकर्षण वाढलेले आहे. वैश्विक पातळीवरती भारतीय  कला, संस्कृती, जीवन - मूल्ये , समाज  जीवन, साहित्य, सिनेमा  व विविध सोशल माध्यमातून पोहोचविण्यासाठी एक प्रभावी भाषा म्हणून हिंदी भाषा मोठे योगदान देत आहे. असे विचार न्यू कॉलेज कोल्हापूरचे हिंदी विभागाचे प्रमुख प्रा. अविनाश पाटील यांनी व्यक्त केले. ते येथील रयत शिक्षण ...

  विषमुक्त शेती आणि विषमुक्त कृषी उत्पादने ही काळाची गरज.                - उपमुख्यमंत्री देवेंद्र फडणवीस.    सातारा दि. 17 (जि.मा.का) :- या देशातील पहिले वैज्ञानिक शेतकरीच होते. त्यांनी शेतीतून सोनं पिकवले. अन्नधान्याच्या वस्त्रांच्या समृध्दीकडे नेले.  पण जेंव्हापासून मोठ्या प्रमाणात रसायनांचा उपयोग शेतीमध्ये सुरू झाला. त्यातून काही काळ उत्पादकता वाढली असली तरी आज पुन्हा विषमुक्त शेती आणि विषमुक्त शेती उत्पादने ही काळाची गरज आहे. शेतीतील विज्ञान पुन्हा नव्याने मांडण्याची आवश्यकता आहे.   सहकार महर्षी स्वर्गीय जयवंतराव भोसले (आप्पासाहेब) यांच्या जन्मशताब्दी वर्षानिमित्त कृष्णा कृषी व औद्योगिक महोत्सव 2024 चे उद्घाटन उपमुख्यमंत्री देवेंद्र फडणवीस यांच्या हस्ते झाले. कार्यक्रमाच्या अध्यक्षस्थानी कृष्णा सहकारी साखर कारखाना अध्यक्ष डॉ. सुरेश भोसले होते. प्रमुख पाहुणे खासदार श्रीमंत छत्रपती उदयनराजे भोसले, तर प्रमुख उपस्थिती अण्णासाहेब पाटील महामंडळाचे अध्यक्ष नरेंद्र पाटील, आमदार शिवेंद्रसिंहराजे भोसले, आमदार जयकुमार गोरे, जिल...

  शासकीय कृषी महाविद्यालयाचे कृषीदूत देणार ओंड गावातील शेतकऱ्यांना कृषीचे आधुनिक तंत्रज्ञानाचे शिक्षण. काले - प्रतिनिधी. ग्रामीण कृषी जागरूकता कार्यानुभव आणि कृषी औद्योगिक संलग्न कार्यक्रम अंतर्गत कराड येथील शासकीय कृषी महाविद्यालयातील कृषीदूतांचे ओंड, ता. कराड येथे आगमन झाले असून हे कृषीदूत ओंड गावातील शेतकऱ्यांना आधुनिक शेती तंत्रज्ञान याबद्दल माहिती देऊन प्रत्यक्ष  प्रात्यक्षिक  देणार आहेत. महात्मा फुले कृषी विद्यापीठ राहुरी अंतर्गत शासकीय कृषी म हाविद्यालयातील अंतिम सत्राचे विद्यार्थी प्रतीक कोडगे, रोहित भोसले, प्रशांत सोनलकर, अभिजीत पवार, निशांत संकपाळ, रामेश्वर शेळके, कैवल्य माने हे ओंड गावात कृषीदूत म्हणून दाखल झाले आहेत. ओंड गावच्या सरपंच सौ.मनीषा माने उपसरपंच श्री.सचिन थोरात, ग्रामपंचायत सदस्य तुषार थोरात, रघुनाथ बामणे  व इतर ग्रामपंचायत सदस्यांनी त्यांचे स्वागत केले.

  शिवप्रसाद टिंगरे यांची राष्ट्रीय कार्यशाळेसाठी निवड. कराड : प्रतिनिधी. (प्रवीण पाटील.) सातारा येथील सैनिक स्कुल सातारा चे विज्ञान विषयाचे शिक्षक श्री शिवप्रसाद टिंगरे यांची भारत सरकारच्या *एज्युकेशन फॉर इन्सस्पयरींग इंडिया या राष्ट्रीय स्तरावरील विज्ञान शिक्षकांच्या कार्यशाळेसाठी निवड करणेत आली आहे. भारत सरकारच्या - इंडिया इंटरनॅशनल सायन्स फेस्टिवल -2023 अंतर्गत नॅशनल इनोव्हेशन फाउंडेशन च्या वतीने फरिदाबाद (हरियाणा) येथे चालणाऱ्या 4 दिवसीय कार्यशाळेत महाराष्ट्रातील श्री टिंगरे यांच्यासह 25 शिक्षकांची निवड झाली आहे. या चार दिवसीय कार्यशाळेमध्ये महाराष्ट्रातील शिक्षणं क्षेत्रात विज्ञान विषयात नाविन्यपूर्ण पद्धतीने प्रशिक्षण देणाऱ्या शिक्षकांचे चर्चासत्र संपन्न होणार आहे. भारत सरकार विज्ञान व तंत्रज्ञान विभागामार्फत हि कार्यशाळा 17 ते 20 जानेवारी दरम्यान संपन्न होत आहे. सदर कार्यशाळेमध्ये श्री. टिंगरे हे दैनंदिन अध्यापन प्रक्रियेत उपयोगात आणत असलेल्या नाविन्यपूर्ण पद्धतीची महिती देणार आहेत. श्री टिंगरे यांच्या हया निवडी बद्दल  सैनिक स्कूल सातारा चे प्राचार्य कॅप्टन भारतीय नौसेन...

  ग्रंथ दान हे कलियुगातील सर्वश्रेष्ठ साधन आहे.        - अशोकराव थोरात. कराड :- प्रतिनिधी. नांदलापूर ता. कराड येथील सुखशांती सार्वजनिक वाचनालयास श्री मळाईदेवी विचार मंचाचे संचालक श्री शिवाजीराव धुमाळ तात्या यांनी ग्रंथदान करून, कृतयुगात ध्यान, त्रेतायुगात ज्ञान, द्वापारयुगात यज्ञ,आणि कलियुगात दान ही सर्वश्रेष्ठ साधनांचा विचार करून वाचन संस्कृती टिकवण्यासाठी केलेले योगदान हे सामाजिक दृष्ट्या अतिशय मौल्यवान आहे. असे उद्धागार महाराष्ट्र शासन पुरस्कृत शेती मित्र अशोकराव थोरात भाऊ यांनी काढले. ते पुढे बोलताना म्हणाले श्री मळाईदेवी विचार मंचच्या माध्यमातून नेहमीच आपण चांगल्या पुस्तकांवर चर्चा करत असतो. या चर्चेचा हेतू आज ख-या अर्थाने तात्या सारख्या व्यक्तींनी ग्रंथालयास ग्रंथदान करुन साध्य केला.           आपणास माहिती असावे महाराष्ट्र शासनाने सार्वजनिक ग्रंथालयासाठी अधिनियम १९६७ हा कायदा नागपूर येथील अधिवेशनामध्ये संमत करून कायद्याची अंमलबजावणी महाराष्ट्र दिन१ मे १९६८ पासून लागू करण्यात आला. काळानुरूप या कायद्यात बदल होणे गरजेचे होते. परंतु तस...

  ना. देवेंद्र फडणवीस यांच्या हस्ते बुधवारी कृष्णा कृषी महोत्सवाचे उद्घाटन. तयारी अंतिम टप्प्यात; डॉ. सुरेश भोसले व डॉ. अतुलबाबा भोसले यांनी केली पाहणी कराड -प्रतिनिधी.  कराड येथील छत्रपती शिवाजी महाराज स्टेडियमवर आयोजित आंतरराष्ट्रीय कृष्णा कृषी व औद्योगिक महोत्सवाची तयारी अंतिम टप्प्यात आली आहे. या तयारीची पाहणी य. मो. कृष्णा सहकारी साखर कारखान्याचे चेअरमन डॉ. सुरेश भोसले व भाजपाचे सातारा लोकसभा प्रभारी डॉ. अतुलबाबा भोसले यांनी केली. यावेळी त्यांनी या कृषी महोत्सवाचे उद्घाटन बुधवारी (ता. १७) सकाळी ११ वाजता महाराष्ट्राचे उपमुख्यमंत्री ना. देवेंद्र फडणवीस यांच्या हस्ते होणार असल्याची माहिती दिली. शेतकऱ्यांना शेतीसाठी उपयुक्त असलेली माहिती व शेतीसाठी असणारे साहित्य एकाच छताखाली उपलब्ध व्हावे, यासाठी कृष्णाकाठाचे भाग्यविधाते सहकारमहर्षी स्व. जयवंतराव भोसले (आप्पासाहेब) यांच्या जयंतीनिमित्त य. मो. कृष्णा सहकारी साखर कारखाना पुरस्कृत कृष्णा कृषी परिषदेच्या माध्यमातून आणि कृष्णा विश्व विद्यापीठ व कृष्णा सहकारी बँकेच्या सहकार्यातून कराड येथील छत्रपती शिवाजी महाराज स्टेडियमवर १७ ते २...

  तरुणांना योग्य प्रबोधन झाल्यास निश्चितपणे तरुण पिढी वाचनाकडे वळेल.   __डॉ.संदिप डाकवे.   कराड:- प्रतिनिधी. सैदापूर विद्यानगर येथील समाजभूषण बाबुराव गोखले ग्रंथालयास  इंडिया ऑफ रेकॉर्ड होल्डर युवा चित्रकार, पत्रकार, लेखक, डॉ. संदीप डाकवे यांनी त्यांच्या वाढदिवसानिमित्त ग्रंथालयास   ग्रंथभेट देऊन आपला अनोख्या पध्दतीने वाढदिवस साजरा केला. त्याप्रसंगी ते म्हणाले,"समाजातील विविध घटकांच्यामध्ये वाचनाची आवड निर्माण करण्यासाठी ग्रंथालये प्रयत्न करत आहेत.वाचन संस्कृतीच्या माध्यमातून ज्ञानात्मक समाज घडविण्याची जबाबदारी जशी ग्रंथालयांची आहे तशी समाजातील ज्ञानसंपन्न, विचारवंतांचीही आहे. वाचनाने समृद्ध होणारा माणूस समाजाचे प्रामाणिक नेतृत्व करुन त्याच्या उज्ज्वल भविष्यासाठी प्रयत्नशील राहतो.समाजातील प्रत्येक घटकांनी आपला वाढदिवस ग्रंथालयाला ग्रंथ देऊन केल्यास येणाऱ्या काळात तरुण पिढी याचा आदर्श घेऊन वाढदिवसाच्या निमित्ताने  खर्च होणारा पैसा योग्य मार्गी लागेल. वाचनसंस्कृती ही फक्त ग्रंथालयांची जबाबदारी नाही तर आपल्या सर्वांची आहे. तरुणांना योग्य प्रबोधन झाल्...

 माझ्या प्रभागात न झालेले काम दाखवा,51000 मिळवा- विक्रमभाऊ पाटील. इस्लामपूर - प्रतिनिधी. ( निता बनसोडे.) इस्लामपूर प्रभाग पाच मधे नगरसेवक विक्रमभाऊ पाटील यांचे हस्ते विविध विकासकामांचा शुभारंभ करण्यात आला. या प्रसंगी प्रभाग पाच मधे विविध रस्त्यांची कामे, नाल्यांची कामे, अंडरग्राउंड नाले, याची सुरवात करण्यात आली. या प्रसंगी विक्रमभाऊ पाटील म्हणाले, माझ्या प्रभागात मी विविध विकासकामे केलेली आहेत, प्रभागातील न झालेले काम दाखवा अन 51000मिळवा असं खुले आवाहन या प्रसंगी भाऊंनी दिले. गोरगरीब, सर्वसामान्यांच्या विधार्थ्यांसाठी भाऊंच्या माद्यमातून जवळपास दीड कोटीचे वाचनालय मंजूर केले आहे. तसेच या भागातील गुन्हेगारी जवळपास मोडीत काढली आहे.भाऊंनी यासाठीही चांगले प्रयत्न केले आहेत. एक आदर्श भागाप्रमाणे सदर भाग विकसित करण्यात येणार असल्याचे सांगितले.पाणीपुरवठा, वीज, रस्ते यांच्या विकासकामावर भाऊंनी चांगलाच भर दिला आहे. मिळणाऱ्या सुविधा बाबत नागरिकांमध्ये समाधानाचे वातावरण आहे. या प्रसंगी उपस्थित धनश्री  चव्हाण , युवा नेत्या श्रेया जाधव, किरण बामणे, संजय रोकडे अमोल जाधव, केंडे मॅडम,महापुरे, ...

 कै.बाबाराम कांबळे यांच्या स्मरणार्थ आरोग्य शिबीर संपन्न. शिराळा - प्रतिनिधी.(नानासाहेब कांबळे.) ग्रामपंचायत वाकुर्डे खुर्द व वि.का.स.सेवा सोसायटी वाकुर्डे खुर्द यांचे सहकार्याने व कै.बाबाराम कांबळे आप्पा यांच्या स्मरणात प्रकाश हॉस्पिटल इस्लामपूर व टेके आय केअर सांगली यांच्या संयुक्त विद्यमाने सोमवार दिनांक 08/01/2024 रोजी  वाकेश्वर मंदिर वाकुर्डे खुर्द या ठिकाणी मोफत आरोग्य नेत्र तपासणी व रक्तदान शिबिर संपन्न झाले.शिबिराचे उद्घाटन युवा नेते मा श्री. रणधीर नाईक  व शिराळा पोलिस स्टेशनचे पी. आय.सिद्धेश्वर जंगम  तसेच वंचित बहुजन आघाडीचे वसंतराव कांबळे  यांच्या  हस्ते संपन्न झाले.      या कार्यक्रमास उपस्थिती सांगली जिल्हा मुजफडेशनचे संचालक रणजीत बाबाराम वाकुर्डेकर तसेच सरपंच शितल पाटील,सेवा सोसायटीचे चेअरमन गजानन पाटील, गौतम पाटील, मुंबई पोलीस विश्वास पाटील, निनाई कारखान्याचे संचालक तानाजी जाधव, युवराज जाधव, ग्रामपंचायत सदस्य विजय जाधव, सागर शिराळकर ,मोहन गुरव, शारदा घेवदे,सेवा सोसायटीचे सदस्य यशवंत जाधव, मारुती कांबळे, जालिंदर कांबळे, डॉ.भास्कर...

  कृषीदूतांचे साळशिरंबे गावात आगमन. उंडाळे: प्रतिनिधी          साळशिरंबे ता.कराड येथे महात्मा फुले कृषी विद्यापीठ, राहुरी अंतर्गत  शासकीय कृषी महाविद्यालय , कराड येथील कृषीदूतांचे आगमन झाले.साळशिरंबे गावच्या सरपंच सौ. प्रमिलाताई कुंभार , उपसरपंच श्री. अभिजीत चवरे , ग्रामसेवक श्री. शरद चव्हाण, पोलीस पाटील सौ. उमा पाटील , तलाठी श्री. अमोल लावंड , कृषी सहाय्यक श्री. तोरणे साहेब व ग्रामस्थांनी कृषिदूतांचे स्वागत केले.           महाविद्यालयाच्या ग्रामीण कृषी जागरूकता व कृषी औद्योगिक कार्यानुभव कार्यक्रमांतर्गत कृषीदुत सागर बंडगर, आदित्य बोरकर, प्रदिप ढेरे, दिग्विजय शिंदे, प्रथमेश जाधव, वैभव शेळके, वैभव शिंदे हे सर्व गावामध्ये राहून विविध शेती विषयक प्रात्यक्षिके व उपक्रम राबवणार आहेत. याप्रसंगी कृषीदूतांनी उपस्थित ग्रामस्थांना व शेतकऱ्यांना  उपक्रमाचा उद्देश व  रूपरेषा समजावून सांगितली. तसेच गावातील पदाधिकाऱ्यांनी व ग्रामस्थांनी विद्यार्थ्यांच्या उपक्रमाला आवश्यक ते सहकार्य केले जाईल असे आश्वासन दिले.       ...

  श्री.संतकृपा डी फार्मसी महाविद्यालयास   NBA मानांकन. सातारा जिल्ह्यातील पहिले NBA प्राप्त महाविद्यालय. उंडाळे -प्रतिनिधी. घोगाव तालुका कराड येथील श्री संतकृपा शिक्षण संस्थेचे  कॉलेज ऑफ फार्मसी ( डी फार्म) महाविद्यालयची  नॅशनल बोर्ड ऑफ ऑक्रिडिटेशन नवी दिल्ली यांच्या टीमने नुकतीच भेट दिली. त्यांनी तीन दिवस महाविद्यालयास प्रत्यक्ष भेट देऊन पाहणी केली त्यानंतर त्यांनी केलेल्या मूल्यांकनानुसार महाविद्यालयाला 30 जून 2026 पर्यंत NBA मान्यता प्रदान करण्यात आली.  आत्तापर्यंत सलग तीन वर्षाकरिता प्रथम प्रयत्नात NBA मान्यता मिळवण्याचे श्री संतकृपा शिक्षण संस्थेचे कॉलेज ऑफ फार्मसी(डी. फार्म) हे सातारा जिल्ह्यातील  पहिले आणि महाराष्ट्रातील सहावे महाविद्यालय ठरले आहे.   यामुळे 'श्री संतकृपा डी फार्मसी कॉलेज'ची गुणवत्ता पुन्हा एकदा सिद्ध झाली आहे. अशी माहिती संस्थेचे सचिव प्रसून जोहरी  यांनी दिली. श्री संतकृपा शिक्षण संस्थेने घोगाव सारख्या ग्रामीण भागात इंटरनॅशनल स्कूल, ज्युनिअर कॉलेज, इंजिनिअरिंग, डी. फार्मसी, बी. फार्मसी तसेच एम. फार्मसी  पर्यं...

  आंबेडकरवादी सेनेची राजकीय वाटचाली संदर्भात बैठक. इस्लामपूर - प्रतिनिधी.(निता बनसोडे.) आंबेडकरवादी सेनेची राजकीय वाटचाली संदर्भात बैठक संपन्न झाली.आंबेडकरवादी सेना सामाजिक क्षेत्रातील प्रलंबित प्रश्न तसेच महिला, विद्यार्थी शैक्षणिक क्षेत्रातील प्रलंबित प्रश्न यांवर काम करते. यापुढे शेतकरी, कष्टकरी, कामगार वर्गाच्या न्याय हक्कासाठी ही आंबेडकरवादी सेना लढत राहील यासाठी आगामी निवडणुकीत आंबेडकरवादी सेना आपली भूमिका स्पष्ट करेल,असं स्पष्ट मत काही दिवसांपूर्वी झालेल्या बैठकीत जाहीर केले होते. त्यांचं अनुषंगाने आज शासकिय विश्रामगृह सर्किट हाऊस या ठिकाणी रयत क्रांती संघटना / हरित सेनेचे कर्नाटक राज्याचे कार्याध्यक्ष मा.राजू पवार यांनी  प्रमुख पदाधिकारी यांची भेट घेवून यापुढील होवू घातलेल्या लोकसभा विधानसभा निवडणूका या एकत्र येऊन लढवू आणि कोल्हापूर जिल्ह्यातील लोकसभा विधानसभेसाठी समविचारी पक्ष संघटनांना एकत्र घेवून समविचारी परिवर्तनवादी आघाडी स्थापन करून उमेदवार जाहीर करु असे आश्वासन दिले. लवकरच वेगवेगळ्या पक्ष संघटना यांना एकत्र घेवून राजकिय वज्रमूठ तयार करून लोकशाही मजबूत करण्यासाठी...

  प्रहार सांगली जिल्हा कार्याध्यक्षपदी रामराव पाटील, उपाध्यक्षपदी  मुश्ताक मोमीन यांची निवड. इस्लामपूर - प्रतिनिधी.(निता बनसोडे.) प्रहार शिक्षक संघटना सांगली कार्याध्यक्षपदी तांबवे शाळेचे मुख्याध्यापक रामराव पाटील तर उपाध्यक्षपदी  शिराळा उर्दू शाळेचे मुख्याध्यापक मुश्ताक मोमीन यांची निवड करण्यात आली. सांगली जिल्ह्यातील शिक्षक बंधू आणि भगिनी यांच्या समस्या प्रहार शिक्षक संघटनेकडून सोडीवल्या जातील. असे आश्वासन नवनियुक्त कार्याध्यक्ष रामराव पाटील यांनी सांगितले. या प्रसंगी सांगली जिल्हाध्यक्ष चंद्रशेखर क्षीरसागर, सरचिटणीस अमोल जाधव,सातारा जिल्हाध्यक्ष विजय लोहार,प्रहार वाळवा तालुकाध्यक्ष सचिन बामणे,शिराळा रमेश तिके उपस्थित होते. तसेच केंद्रीय पत्रकार संघटनेचे अध्यक्ष रवी लोंढे,व पत्रकार रणजित चव्हाण, राकेश कांबळे आदी उपस्थित होते.उपस्थित पत्रकार बंधुचा पत्रकार दिनानिमित्त सत्कार करण्यात आला.                                ************ पूजा बोंद्रे व प्रतीक बोंद्रे यांचे स्पर्धा परीक्षेत उज्वल यश....

  कॉलेज ऑफ फार्मसी (डी फार्म) घोगावं महाविद्यालयात व्याख्यान संपन्न. उंडाळे -प्रतिनिधी. श्री संतकृपा शिक्षण संस्थेचे कॉलेज ऑफ फार्मसी (डी फार्म) घोगाव येथे विद्यार्थ्यांना स्पर्धा परीक्षाविषयी माहिती मिळावी यासाठी मार्गदर्शन व्याख्यान आयोजित करण्यात आले होते. आजकालच्या धावपळीच्या व महागाईच्या युगामध्ये फक्त एकच व्यवसाय व एकच नोकरी यावर अवलंबून न राहता विविध गोष्टी शिकल्या पाहिजेत तसेच स्पर्धा परीक्षेमधून उत्तम नोकरी कशी मिळवता येईल यासाठी विद्यार्थ्यांनी प्रयत्न केले पाहिजेत यासाठी के राज यांचे स्पर्धा परीक्षा मार्गदर्शन व्याख्यान आयोजित करण्यात आले होते. यावेळेस स्पर्धा परीक्षांसाठी काय अभ्यासक्रम असतो व कसा अभ्यास केला पाहिजे, वेळेचे नियोजन कसे करायला हवे याविषयी त्यांनी मार्गदर्शन केले. यावेळी त्यांचे स्वागत महाविद्यालयाच्या प्राचार्या डॉ. वैशाली पाटील यांनी केले. तसेच कार्यक्रमाचे सूत्रसंचालन व आभार प्रा. मोनिका चवरे  यांनी मानले.

  कॉलेज ऑफ फार्मसी (डी फार्म) घोगावं महाविद्यालयाची विविध ठिकाणांना भेटी. उंडाळे -प्रतिनिधी. श्री संतकृपा शिक्षण संस्थेचे कॉलेज ऑफ फार्मसी (डी फार्म) घोगाव या महाविद्यालयातील विद्यार्थ्यांना अभ्यासक्रमाबरोबरच अभ्यासक्रमातील इतर प्रात्यक्षिक ज्ञान मिळावे व अभ्यासक्रमामध्ये अधिक ज्ञान तसेच आवड निर्माण होण्याकरिता विविध ठिकाणच्या भेटीचे आयोजन करण्यात आले होते.  यावेळी हॉस्पिटल भेट,जलशुद्धीकरण प्रकल्प भेट तसेच आयुर्वेदिक फार्मसी भेट, ड्रग डिस्ट्रीब्यूटर  व फार्मसी भेट  या आयोजित करण्यात आल्या होत्या. फार्मसी मधील सोशल फार्मसी फार्मसी, फार्माकोगन्सोसी आणि कम्युनिटी फार्मसीच्या अभ्यासक्रमांतर्गत या भेटी देण्यात आल्या होत्या.  यावेळी महाविद्यालयाच्या प्राचार्या डॉ. वैशाली पाटील यांच्या मार्गदर्शनाखाली कोर्स इनचार्ज प्रा. पूजा भोसले, प्रा. प्रियांका आलेकरी, प्रा. प्रियांका माळी व प्रा. श्रद्धा वैद्य यांनी या भेटींचे आयोजन केले होते. यावेळी ग्रामीण रुग्णालय उंडाळे, जय भवानी मेडिकल उंडाळे, सुमन आयुर्वेदि आयुर्वेदिक्स, सुमन मेडिकल, राहुल डिस्ट्रीब्यूटर्स आणि जलशुद्धीकरण के...

  कॉलेज ऑफ फार्मसी (डी फार्म) महाविद्यालयांमध्ये व्याख्यानाचे आयोजन. उंडाळे -प्रतिनिधी. श्री संतकृपा शिक्षण संस्थेचे कॉलेज ऑफ फार्मसी (डी फार्म) घोगाव येथे ऑरोबिंदू फार्मा येथील सीनिअर एक्झिक्युटिव्ह किरणकुमार ओव्हाल यांचे टॅबलेट टुलिंग या विषयावरती व्याख्यान संपन्न झाले. औषधनिर्माण शास्त्रातील विद्यार्थ्यांना इंडस्ट्रीमध्ये औषधे विशेषता टेबलेट्स कशा प्रकारे तयार केली जातात व त्यासाठी लागणारी विविध साधने, मशिनरी कशाप्रकारे असते ती कशी हाताळायची असते हे विद्यार्थ्यांना खूप सोप्या भाषेमध्ये समजावून सांगितले. यावेळी महाविद्यालयाच्या प्राचार्या डॉ. वैशाली पाटील  यांनी त्यांचे स्वागत केले. तर सूत्रसंचालन व आभार प्रा. मोनिका चवरे यांनी मानले.                               ********

  कॉलेज ऑफ फार्मसी (डी फार्म) घोगावं सातारा जिल्ह्यात पहिले राष्ट्रीय मानांकन प्राप्त महाविद्यालय. उंडाळे -प्रतिनिधी. श्री संतकृपा शिक्षण संस्थेचे कॉलेज ऑफ फार्मसी (डी.फार्म) घोगाव येथे नॅशनल बोर्ड ऑफ ऑक्रिडिटेशनची नवी दिल्ली यांच्या टीमकडून नुकतीच भेट दिली. त्यांनी तीन दिवस महाविद्यालयाचे प्रत्यक्ष भेट देऊन पाहणी केली त्यानंतर त्यांनी केलेल्या मूल्यांकनानुसार महाविद्यालयाला 30 जून 2026 पर्यंत मान्यता प्रदान करण्यात आली. आत्तापर्यंत सलग तीन वर्षाकरिता प्रथम प्रयत्नात एनबीएची मान्यता मिळवण्याचे सातारा जिल्ह्यातील हे  पहिले आणि महाराष्ट्रातील सहावे महाविद्यालय ठरले आहे.  या महाविद्यालयातील अनेक माजी विद्यार्थी विविध क्षेत्रात कार्यरत आहेत येथील विद्यार्थ्यांना आपल्या क्षेत्रात नोकरीच्या अनेक संधी महाविद्यालयाने उपलब्ध करून दिल्या आहेत त्यामुळे विद्यार्थ्यांच्या आणि त्यांच्या पालकांचे स्वप्न पूर्ण करण्यात महाविद्यालयाचा मोलाचा वाटा आहे. महाविद्यालयातील तज्ञ शिक्षक वर्ग, सुसज्ज प्रयोगशाळा, ग्रंथालय, मशीनरूम, संगणककक्ष, क्लासरूम  यामुळे विद्यार्थ्यांचे आकांक्षा याच महाविद...