मुंबईत बनावट नकाशे सादर करुन बांधकाम केलेप्रकरणी गुन्हे दाखल.

मुंबईत बनावट नकाशे सादर करुन  बांधकाम केलेप्रकरणी गुन्हे दाखल.

गोंडवाना न्यूज वृत्तसेवा :-

 मुंबईत बनावट नकाशे सादर करुन महानगरपालिकेमार्फत बांधकामाची परवानगी मिळविलेली होती. अशी बांधकामे तातडीने निष्कासित करावीत. त्याचप्रमाणे या अनुषंगाने स्थापन केलेल्या एस.आय.टीद्वारे संबंधितांवर गुन्हे दाखल करण्यात यावेत, असे निर्देश महसूल मंत्री चंद्रशेखर बावनकुळे यांनी दिले. महानगरपालिकेमार्फत जुलै महिन्यापूर्वी ही कार्यवाही पूर्ण करण्याची सूचना यावेळी त्यांनी केली. 

याबाबत विधिमंडळाच्या सभागृहात उपस्थित झालेल्या मुद्द्यांबाबत महसूल मंत्री बावनकुळे यांच्या अध्यक्षतेखाली मंत्रालयात बैठक झाली. यावेळी आमदार सर्वश्री योगेश सागर, सुनील शिंदे प्रत्यक्ष तर ॲड. अनिल परब, सचिन अहिर, बृहन्मुंबई महानगरपालिका आयुक्त आणि प्रशासक भूषण गगराणी ई -उपस्थित होते.

आयुक्त गगराणी यांनी याबाबत माहिती देताना सांगितले की, अशी ४५७ बांधकामे असून त्यापैकी ६६ प्रकरणी कारवाई करण्यात आली असून इतरांना नोटीस देण्यात येईल. एसआयटीमार्फत आतापर्यंत झालेल्या चौकशीनुसार २० जणांवर गुन्हे दाखल करण्यात आले आहेत.