महेशकुमार बोंगाळे यांना कराड तालुका गुणवंत शिक्षक पुरस्कार प्राप्त.
महेशकुमार बोंगाळे यांना कराड तालुका गुणवंत शिक्षक पुरस्कार प्राप्त.
कार्वे प्रतिनिधी :-
भारताचे राष्ट्रपती डॉ. सर्वपल्ली राधाकृष्णन यांच्या जन्मदिनानिमत्त 5 सप्टेंबर हा दिवस शिक्षक दिन म्हणून साजरा करण्यात येतो. प्रत्येक व्यक्तीच्या जडणघडणीमध्ये शिक्षक हा अत्यंत महत्वाचा दुवा असतो. दरवर्षी शिक्षक दिनाच्या दिवशी ज्या शिक्षकांनी शिक्षण क्षेत्रामध्ये मोलाचे योगदान दिले आहे. त्यांना पुरस्कार देवून गौरव करण्यात येतो.
याच शिक्षक दिनाचे औचित्य साधून जिल्हा परिषद प्राथमिक शाळा कोडोली ता. कराड येथील प्राथमिक शाळेचे आदर्श उपक्रमशील शिक्षक महेशकुमार बोंगाळे सर यांना स्व.यशवंतराव चव्हाण गुणवंत शिक्षक पुरस्कार आज मान्यवरांच्या हस्ते प्रदान करण्यात आला. यावेळी त्यांना प्रशस्तीपत्रक व स्मृतिचिन्ह देऊन गौरवण्यात आले .
या कार्यक्रमास महाराष्ट्र राज्य काँग्रेसचे सरचिटणीस व सातारा जिल्हा परिषद सदस्य अँड.उदयसिंह पाटील दादा , जि.प. सदस्य प्रदीप पाटील, शिक्षण, अर्थ व क्रीडा समिती जि.प. साताराचे सभापती मानसिंगराव जगदाळे , कराड पंचायत समिती सभापती प्रणव ताटे, उपसभापती रमेश देशमुख, गटशिक्षण अधिकारी शबनम मुजावर ,प्रा. गणपतराव कणसे, शिक्षण विस्तार अधिकारी रमेश कांबळे , केंद्रप्रमुख निवास पवार, कोडोली शाळेचे मुख्याध्यापक राजेंद्र जगताप व शाळेतील सर्व शिक्षक उपस्थित होते.
Comments
Post a Comment