तुळसण जि.प.प्राथ.शाळेचे यश प्रेरणादायी :श्रीमती जमिला मुलाणी मॅडम.
तुळसण जि.प.प्राथ.शाळेचे यश प्रेरणादायी :श्रीमती जमिला मुलाणी मॅडम.
उंडाळे - प्रतिनिधि,
भारतरत्न अटलबिहारी वाजपेयी आंतरराष्ट्रीय जि.प. प्राथमिक शाळा तुळसण या शाळेने पूर्व उच्च प्राथमिक शिष्यवृत्ती परीक्षा सन २०२० व जवाहर नवोदय विद्यालय प्रवेश परीक्षा यामध्ये अभूतपूर्व यश संपादन केले.त्याबद्दल कराड पंचायत समिती शिक्षण विभाग व ग्रामपंचायत तुळसण यांच्या संयुक्त विद्यमाने यशस्वी विद्यार्थी, पालक व मार्गदर्शक शिक्षक यांचा गुणगौरव सत्कार सोहळा कोरोना महामारीच्या पार्श्वभूमीवर सुरक्षिततेच्या सर्व नियमांचे पालन करून अतिशय उत्साहवर्धक - प्रेरणादायी वातावरणात शालेय प्रांगणात संपन्न झाला.
पंचायत समिती कराड,काले बीटच्या शिक्षण विस्तार अधिकारी आदरणीय जमिला मुलाणी मॅडम यांनी सुमित माने -२५८ गुण(तालुक्यात प्रथम व नवोदय निवड), कु.राधिका नानेगांवकर -२५२ गुण( नवोदय विद्यालय निवड ), राज वीर-२४८ गुण( नवोदय विद्यालय निवड),ओम गुरव -२४६ गुण, अनिरुद्ध कोरडे -२३४ गुण , हर्षद मोरे -२३४ गुण, सुयश वीर -२३४ गुण, कु. सानिका माने -२२८ गुण, कु. हर्षदा वीर-२२६ गुण, साईराज कोरडे -२२६ गुण हे आठ विद्यार्थी शिष्यवृत्ती धारक व तीन (३) विद्यार्थी जवाहर नवोदय विद्यालय प्रवेश पात्र झाले. ही बाब आपल्या तालुक्याला व जिल्ह्याला प्रेरणादायी असल्याचे म्हंटले. शिक्षक , विद्यार्थी व पालक यांनी जे अहोरात्र कष्ट घेतले. त्याचे फलीत म्हणजे आजचे हे यश आहे. असेही त्या म्हणाल्या.
विद्यार्थ्यांच्या प्रगतीसाठी घर -संसार ही दुय्यम बाजू मानून केवळ विद्यार्थी प्रगती हा ध्यास मनाशी बाळगला.त्या *मार्गदर्शक शिक्षिका सौ. सविता राजमाने मॅडम व श्री. राजेंद्र चव्हाण सर ,मुख्याध्यापक श्री. रामकृष्ण थोरात सर ,माजी मुख्याध्यापक श्री.विश्वनाथ कुंभार सर यांचा यथोचित सत्कार शिक्षण विभाग पं.समिती कराड , शाळा व्यवस्थापन समिती, ग्रामपंचायत व ग्रामस्थ तुळसण यांच्या वतीने करण्यात आला.
हे यश मिळण्यासाठी गटशिक्षणाधिकारी सौ. शबनम मुजावर मॅडम यांची प्रेरणा तसेच शिक्षण विस्तार अधिकारी आदरणीय जमिला मुलाणी मॅडम व केंद्रप्रमुख आमणे साहेब यांचे वेळोवेळी लाभलेले मार्गदर्शन निश्चितच मोलाचे ठरले असेही ते म्हणाले.
कार्यक्रमाचे सूत्रसंचलन सौ.मनिषा शेडगे मॅडम यांनी केले व आभार सतीश गाडेकर यांनी मानले.
Comments
Post a Comment